ورتالىق كوممۋنيكاتسيالار قىزمەتى الاڭىندا وتكەن بريفينگتە تۇرعىن ءۇي ساياساتىنىڭ جاڭا مەحانيزمدەرىن تانىستىردى. باۋىرجان قابدولدىڭ ايتۋىنشا, «باقىتتى وتباسى» جەڭىلدەتىلگەن باعدارلاماسىنا قاتىسۋشىلاردىڭ ساناتتارى قايتا قارالدى.
«تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2026 جىلعا دەيىنگى جاڭا تۇجىرىمداماسىندا وتباسى ينستيتۋتىن قولداۋ جانە ساقتاۋ ماقساتىندا «باقىتتى وتباسى» جەڭىلدەتىلگەن باعدارلاماسىنا قاتىسۋشىلاردىڭ ساناتتارى قايتا قارالدى. اتاپ ايتقاندا, تالداۋ ناتيجەسىندە «تولىق ەمەس وتباسى» ساناتى الىنىپ تاستالدى. مونيتورينگ كورسەتىپ وتىرعانداي, «باقىتتى وتباسى» باعدارلاماسى ىسكە قوسىلعان ساتتەن باستاپ «تولىق ەمەس وتباسى» ساناتى بويىنشا كەزەكتە تۇرعاندار سانى 72%-عا نەمەسە 61,6 مىڭ ادامعا ارتقان», دەپ ناقتىلادى سپيكەر.
