ايماقتار • 03 قازان، 2022

اقتاۋدىڭ جاڭا اكىمى تاعايىندالدى

63 رەت كورسەتىلدى

بۇگىن ماڭعىستاۋ وبلىسىنىڭ اكىمى نۇرلان نوعاەۆ اقتاۋ قالالىق ءماسليحاتىنىڭ دەپۋتاتتارىنا نۇرداۋلەت قيلىبايدىڭ ورنىنا جاڭا اكىمنىڭ كانديداتۋراسىن ۇسىندى، دەپ حابارلايدى Egemen.kz.

ماڭعىستاۋ اكىمدىگى جاڭا كانديدات بۇرىن اقتاۋ اكىمىنىڭ ورىنباسارى قىزمەتىن اتقارعان ەربول ىزبەرگەنوۆ ەكەنىن اتاپ ءوتتى. ونىڭ كانديداتۋراسى پرەزيدەنت اكىمشىلىگىمەن كەلىسىلگەن.

«دەپۋتاتتار ىزبەرگەنوۆتىڭ كانديداتۋراسىن قولداپ، ونى تاجىريبەلى باسقارۋشى رەتىندە تانيتىنىن اتاپ ءوتتى. نۇرلان نوعاەۆ نۇرداۋلەت كيلىبايعا اتقارىلعان جۇمىسى ءۇشىن العىس ايتىپ، ەربول ىزبەرگەنوۆكە اقتاۋدىڭ الەۋمەتتىك-ەكونوميكالىق دامۋىنا قاتىستى بىرقاتار ناقتى تاپسىرما بەردى»، دەلىنگەن حابارلامادا.

ەربول ىزبەرگەنوۆ الماتى قۇرىلىس جانە مەنەدجمەنت كوللەدجىن، اقتاۋ مەملەكەتتىك ۋنيۆەرسيتەتىن جانە رەسەي فەدەراتسياسى پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن «عيماراتتار مەن قۇرىلىستاردى سالۋ جانە پايدالانۋ»، «ونەركاسىپتىك جانە ازاماتتىق قۇرىلىس» جانە «اكىمشىلىك ءىس شەبەرى» ماماندىقتارى بويىنشا بىتىرگەن.

ەڭبەك جولىن 1991 جىلى اقتاۋدا «ماڭعىستاۋ مۇناي-گاز بارلاۋ» تاس قالاۋشى بولىپ باستاعان. ءار جىلدارى شەبەر، تەحنيكالىق ديرەكتور بولىپ جۇمىس ىستەدى.

2004 جىلى اقتاۋ اكىمى اپپاراتىنىڭ ساۋلەت جانە قالا قۇرىلىسى ءبولىمىنىڭ باس مامانى بولدى. سونداي-اق ماڭعىستاۋدا اۋىل جانە اۋدان اكىمدەرى لاۋازىمدارىن اتقاردى. 2012 جىلى دەنساۋلىق ساقتاۋ مينيسترلىگىنىڭ باس ساراپشىسى بولىپ جۇمىس ىستەدى. ءار ءتۇرلى مەملەكەتتىك ورگانداردا باسقارمالاردىڭ باسشىسى بولدى.

2020 جىلدىڭ تامىز ايىنان باستاپ بۇگىنگى كۇنگە دەيىن ەربول ىزبەرگەنوۆ اقتاۋ اكىمىنىڭ ورىنباسارى قىزمەتىن اتقاردى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار