قوعام • 01 قازان، 2022

ۇلتتىق ۇلان وركەسترى 88 جاستاعى تىل ەڭبەككەرىنە ارناپ ونەر كورسەتتى

54 رەت كورسەتىلدى

وسكەمەندە ۇلتتىق ۇلاننىڭ اسكەري قىزمەتشىلەرى ۇلى وتان سوعىسىنىڭ ارداگەرى يۆان گاگارينگە باردى. جاقىندا تىل ەڭبەككەرى 88 جاسقا تولدى، دەپ حابارلايدى Egemen.kz.

حالىق قاھارمانى، پولكوۆنيك قايرات ۇمبەتوۆ باستاعان ىشكى ىستەر مينيسترلىگى مەن ۇلتتىق ۇلاننىڭ اقپاراتتىق-ناسيحاتتاۋ توبى ۇلى وتان سوعىسىنىڭ ارداگەرىنە قۇرمەت كورسەتتى.

«ۇلتتىق ۇلان اسكەري وركەسترى ءۇيدىڭ اۋلاسىندا سوعىس جىلدارىنداعى اندەردى وينادى. وركەستردىڭ سۇيمەلدەۋىمەن ارداگەر يۆان فەدوروۆيچكە ىشكى ىستەر مينيسترلىگى مەن ۇلتتىق ۇلان باس قولباسشىسىنىڭ العىس حاتتارى، سونداي-اق باعالى سىيلىقتار تابىس ەتىلدى»، دەلىنگەن حابارلامادا.

سودان كەيىن ارداگەر اسكەريلەردى ۇيىنە شايعا شاقىرىپ، ءوزىنىڭ ءومىر جولى تۋرالى ايتتى.

27 قىركۇيەكتە يۆان فەدوروۆيچ ءوزىنىڭ 88 جىلدىق مەرەيتويىن اتاپ ءوتتى. ول ەڭبەك جولىن 7 جاسىنان  كولحوزدا بۇزاۋلاردى باعۋعا جانە كوكونىس كوشەتتەرىن كۇتۋگە كومەكتەسۋدەن باستادى.

1954 جىلى 1 قىركۇيەكتە كسرو قارۋلى كۇشتەرىنە شاقىرىلىپ، 33 جىلعا جۋىق قىزمەت ەتتى.

1992 جىلدان 1996 جىلعا دەيىن 6638 اسكەري ءبولىمىنىڭ ارداگەرلەر كەڭەسىنىڭ توراعاسى بولدى.

«بۇگىن رەسپۋبليكالىق تۋر اياسىندا ءبىز قازا تاپقان ينتەرناتسيوناليست جاۋىنگەرلەردى ەسكە الامىز. كورىپ وتىرعانىڭىزداي، تاس تاقتادا قازا تاپقانداردىڭ ەسىمدەرى  ءتۇسىپ، سوعىستىڭ ناقتى سۋرەتتەرى بەينەلەنگەن. مۇنداي ءىس-شارالار بەلگىلى ءبىر كۇندەردە عانا ەمەس، ءجيى وتكىزىلۋى كەرەك. وسكەلەڭ ۇرپاقتى قازاقستاندىق پاتريوتيزم جانە كونستيتۋتسيالىق بورىشقا ادالدىق رۋحىندا تاربيەلەۋ ءبىزدىڭ باستى باسىمدىعىمىز. سوندىقتان بەيبىتشىلىك پەن تىنىشتىق جولىندا ءوزىن قۇربان ەتكەندەرگە تاعزىم ەتەمىز»، دەدى حالىق قاھارمانى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار