وقيعا • 30 قىركۇيەك، 2022

قايرات بورانباەۆقا قاتىستى ءىستى تەرگەۋ اياقتالدى

75 رەت كورسەتىلدى

قر قارجى مونيتورينگى اگەنتتىگى اسا ءىرى كولەمدە مەملەكەت قارجىسىن جىمقىردى جانە اقشانى جىلىستاتتى دەگەن كۇدىككە ىلىنگەن قايرات بورانباەۆ پەن ونىڭ سەنىمدى ادامى ناحانوۆقا، «قازمۇنايگاز» ۇك» اق باسقارۋشى ديرەكتورى يبۋللا سەردى جانە «QazaqGaz» ۇك» اق باسقارما توراعاسىنىڭ ورىنباسارى جانۇزاق تايىرعا قاتىستى ءىستىڭ تەرگەۋىن اياقتادى، دەپ حابارلايدى Egemen.kz اگەنتتىككە سىلتەمە جاساپ.

«ولار 2019 جىلى باقىلاۋداعى «ازياگاز چۋندجا» جشس ارقىلى گازدى جەتكىزۋ كەزىندە Qazaq Gaz (بۇرىنعى قازترانسگاز) ۇلتتىق كومپانياسىنىڭ قاراجاتىن جىمقىرۋدىڭ قىلمىستىق سحەماسىن جۇزەگە اسىرعان.

ۇرلانعان 14،5 ملرد تەڭگە كولەمىندەگى قاراجات كەيىننەن زاڭدى كاسىپكەرلىك قىزمەتتەن ديۆيدەند رەتىندە ءبولۋ جانە تولەۋ جەلەۋىمەن زاڭداستىرىلعان.

وسىلايشا، كۇدىكتىلەر جاسالعان زاڭسىز وپەراتسيالاردىڭ شىن ءمانىن جاسىرعان. تەرگەۋ بارىسىندا كەلتىرىلگەن شىعىن تولىق كولەمدە وتەلدى. سونىمەن قاتار، 38 ميلليارد تەڭگە قولما-قول اقشا مەن 4،2 ميلليارد تەڭگەنىڭ جىلجىمايتىن م ۇلىكتەرى تاركىلەندى. وسى ءبولىم بويىنشا تەرگەۋ اياقتالدى، ماتەريالدار پروتسەسكە قاتىسۋشىلارعا تانىستىرۋ ءۇشىن بەرىلدى.

سونىمەن بىرگە، اۆستريا، لاتۆيا، ليۋكسەمبۋرگ، مولدوۆا، تاجىكستان، بىرىككەن اراب امىرلىكتەرى جانە ەستونيادان زاڭ اياسىنداعى كومەگىنىڭ ناتيجەسى كەلمەگەندىكتەن، بورانباەۆتىڭ زاڭسىز ارەكەتتەرىنىڭ باسقا ەپيزودتارى بويىنشا تەرگەۋ جالعاسۋدا»، دەپ جازىلعان حابارلامادا.

سونىمەن قاتار، اگەنتتىك زاڭسىز كىرىستەرگە ساتىپ الىنعان شەتەلدىك اكتيۆتەردى انىقتاۋ جانە بۇعاتتاۋ جۇمىستارىن جۇرگىزۋدە.

«شەتەلدىك ارىپتەستەردەن ماتەريالدار كەلىپ تۇسكەننەن كەيىن ءتيىستى قۇقىقتىق باعا بەرىلەدى.

ايتا كەتۋ كەرەك، 2010 جىلدان بەرى بورانباەۆپەن ەنشىلەس كومپانيالار قازاقستاندا وندىرىلگەن گازدىڭ ەداۋىر بولىگىن شەتەل شوتتارىندا كىرىس شوعىرلانۋىمەن ەكسپورتتاعان. بۇل ارەكەتتەر ۇلتتىق مۇددەگە قايشى جاسالدى.

تەرگەۋ جۇمىستارىنىڭ ناتيجەسىندە، بيىلدان باستاپ جىلدىق قۇنى 440 ملن اقش دوللارىنان اساتىن (207 ملرد تەڭگە) قازاقستاندىق گازدىڭ كورسەتىلگەن كولەمى ەل ىشىندەگى تۇتىنۋشىلارعا جانە مەملەكەتتىڭ ەكسپورتتىق الەۋەتىن ارتتىرۋعا باعىتتالدى»، دەلىنگەن اقپاراتتا.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار