پرەزيدەنت • 30 قىركۇيەك، 2022

پرەزيدەنت شەتەلدىك عىلىمي ۇيىمداردىڭ باسشىلارىمەن كەزدەستى

117 رەت كورسەتىلدى

مەملەكەت باسشىسى Chioda Technol Corp (جاپونيا) كومپانياسىنىڭ پرەزيدەنتى اتارۋ ينوۋيمەن، لاۋە-لانجەۆەن ينستيتۋتىنىڭ (فرانتسيا) جەتەكشى عىلىمي قىزمەتكەرى ۆالەري نەسۆيجەۆسكيمەن جانە بىرىككەن يادرولىق زەرتتەۋلەر ينستيتۋتىنىڭ (رەسەي) ديرەكتورى گريگوري ترۋبنيكوۆپەن كەزدەسۋ وتكىزدى، دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.

كەزدەسۋدە قازاقستاننىڭ يادرولىق عىلىم سالاسىن دامىتۋ پەرسپەكتيۆالارى تالقىلاندى. شەتەلدىك عىلىمي ۇيىمداردىڭ باسشىلارى قازاقستان تارابىمەن تىعىز ىنتىماقتاستىق ورناتۋعا قىزىعۋشىلىق تانىتتى.

پرەزيدەنت ەلىمىزدىڭ اتوم ەنەرگياسىن تەك قانا بەيبىت ماقساتتا پايدالانۋدى جاقتايتىنىن ايتتى. ونىڭ ايتۋىنشا، قازاقستان تابيعي ۋران وندىرۋدەن الەمدە ءبىرىنشى ورىندا تۇر جانە يادرولىق وتىن تۇرلەرىن ءوزى وندىرەدى. ەلىمىزدە يادرولىق سالانى عىلىمي-تەحنيكالىق تۇرعىدا قولداي الاتىن عىلىمي مەكەمەلەر مەن ينفراقۇرىلىم بار.

اڭگىمەلەسۋ بارىسىندا ولار قازاقستاندا اتوم ەنەرگەتيكاسىن دامىتۋ، زاماناۋي يادرولىق تەحنولوگيالاردى پايدالانۋ، وتاندىق بىلىكتى كادرلاردى دايارلاۋ ماسەلەلەرى جونىندە پىكىر الماستى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار