ونەر • 30 قىركۇيەك، 2022

«The Planet of ART - 2022» فەستيۆالى باستالدى

61 رەت كورسەتىلدى

م. اۋەزوۆ اتىنداعى قازاق ۇلتتىق دراما تەاترىندا قازاقستاندىق ۇلتتىق يۋنەسكو كلۋبتارى فەدەراتسياسى ۇيىمداستىرعان «The Planet of ART - 2022» حالىقارالىق فەستيۆالىنىڭ سالتاناتتى اشىلۋى ءوتتى، دەپ حابارلايدى Egemen.kz.

1947 جىلى جاپونيادا پايدا بولعان دۇنيەجۇزىلىك يۋنەسكو كلۋبتىق قوزعالىسىنىڭ بولىگى رەتىندە قازاقستاندىق ۇلتتىق يۋنەسكو كلۋبتارىنىڭ فەدەراتسياسى 2009 جىلعى ساۋىردە قۇرىلدى. بۇگىندە فەدەراتسيا ەلىمىزدىڭ جاستارىن قولداۋ جانە دامىتۋ ارقىلى يۋنەسكو يدەالدارى مەن قۇندىلىقتارىن ىلگەرىلەتۋ بويىنشا اۋقىمدى جوبالاردى جۇزەگە اسىرۋدا.

بۇگىنگى تاڭدا قازاقستان رەسپۋبليكاسىندا  175-گە جۋىق يۋنەسكو  كلۋبتارى جۇمىس ىستەيدى، ولاردىڭ مۇشەلەرىنىڭ جالپى سانى 17000 ادامنان اسادى. ولار 17 وبلىستىڭ 50-دەن استام قالاسى مەن 23 اۋىلىندا ورنالاسقان.

بيىلعى «تhe Planet of ART - 2022» كوركەمدىك تسيكلى جىبەك جولى فەنومەنىنىڭ كوپ قىرلى مۇراسىن جان-جاقتى زەرتتەۋگە ارنالعان جانە قازاقستانداعى بالالار جىلىن، قازاقستاننىڭ يۋنەسكو-عا كىرۋىنىڭ 30 جىلدىعى مەن كلۋبتىق قوزعالىستىڭ 75 جىلدىعىن مەرەكەلەۋ اياسىندا وتۋدە.

«جىبەك جولى: مادەني مۇرا»، «جىبەك جولى: يننوۆاتسيالار» جانە «جىبەك جولى: حالىقتار دوستىعى» نوميناتسيالارى بويىنشا جوباعا 8000-نان استام بالا قاتىستى. قاتىسۋشىلار الەمنىڭ ءتۇرلى ەلدەرىنەن 3 جاستان 18 جاسقا دەيىنگى بالالار مەن جاستاردى قامتىدى.

فەستيۆالدىڭ فينالدىق بولىگى الەمنىڭ ءتۇرلى ەلدەرىنەن كەلگەن 45 جەڭىمپازدى بىرىكتىرىپ، ولاردى قازاقستاننىڭ وڭتۇستىك استاناسى – الماتى قالاسىندا تاڭعاجايىپ باعدارلاما كۇتىپ تۇردى. بالالارعا قازاقستان رەسپۋبليكاسىنىڭ جەتەكشى پەداگوگتارىمەن جانە ونەر قايراتكەرلەرىنىڭ شەبەرلىك سىنىپتارىمەن ترەنينگتەرىنەن وتۋگە بىرەگەي مۇمكىندىك بەرىلدى. باعدارلامانىڭ ءبىرىنشى كۇنى م.اۋەزوۆ اتىنداعى قازاق ۇلتتىق دراما تەاترىندا جوبا فيناليستەرىنىڭ جۇمىستارىنىڭ كورمەسى، فەستيۆال جەڭىمپازدارىن ماراپاتتاۋ ءراسىمى جانە فەستيۆالدىڭ مۋزىكالىق تسيكلى جاس لاۋرەاتتارىنىڭ قاتىسۋىمەن كەرەمەت كونتسەرت ءوتتى.

الماتى قالاسىنىڭ قوناقتارى مەن تۇرعىندارىنا جوبانىڭ مۋزىكالىق تسيكلى لاۋرەاتتارىنىڭ ۇزدىك نومىرلەرى كورسەتىلدى، ولار وسى جىلدىڭ جازىندا ەلىمىزدىڭ باتىسىنداعى «The Planet of ART» فەستيۆالىنىڭ فينالى كەزىندە بەيبىتشىلىك تاقىرىبىندا تاڭعاجايىپ كونتسەرت ۇسىنعان بولاتىن. شىعارماشىلىق پەن ونەردى بىرىكتىرگەن بۇل جوبا جاستاردىڭ ساناسىندا بەيبىتشىلىك پەن جاقسىلىق يدەيالارىن نىعايتۋدىڭ ورتاق ماقساتىنا قول جەتكىزۋدە ءارتۇرلى جانرلاردى بىرىكتىردى.

ءىس-شارا باعدارلاماسىنىڭ ماڭىزدى وقيعالارىنىڭ ءبىرى «The Planet of ART – 2022» فەستيۆالىنىڭ فيناليستەرى مەن جەڭىمپازدارىنىڭ 500-گە جۋىق جۇمىستارى ەنگەن «جىبەك جولى مۇراسى» بالالار شىعارماشىلىعىنىڭ تاقىرىپتىق البومىن شىعارۋ جانە تانىستىرۋ بولدى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار