قازاقستان • 30 قىركۇيەك، 2022

اتىراۋدا 500 ادام قارجى پيراميداسىنان زارداپ شەكتى

210 رەت كورسەتىلدى

اتىراۋ وبلىسىندا بيىلعى 6 ايدا ەكونوميكالىق قىلمىسقا قاتىستى 25 قۇقىق بۇزۋشىلىق دەرەگى تىركەلىپ وتىر، دەپ جازادى Egemen.kz.

ال قارجى پيراميدالارىنا 500 ادام الدانىپ قالعان. 

وبلىستىق ەكونوميكالىق تەرگەۋ دەپارتامەنتى ۇيىمداستىرۋ-باقىلاۋ باسقارماسىنىڭ باسشىسى بەكبولات انەسوۆتىڭ اقپاراتىنا قاراعاندا، 6 ايدا 43 قىلمىستىق ءىس تىركەلگەن. ونىڭ ىشىندە 26 قىلمىستىق ءىستى تەرگەۋ اياقتالىپ، سوتقا 20 قىلمىستىق ءىس جولدانعان.

«ال 6 ءىس وندىرىستەن توقتاتىلدى. قىلمىستىق ىستەر بويىنشا كەلتىرىلگەن زالالدىڭ مولشەرى 1،3 ملرد تەڭگەنى قۇرادى. بيۋدجەتكە 495،3 ملن تەڭگە كەرى قايتارىلدى. جالپى سوماسى 206،6 ملن تەڭگەنى قۇرايتىن م ۇلىككە توقتام سالىندى. قىلمىستىق جولمەن تابىلعان زاڭسىز قارجىدان 701،9 ملن تەڭگە قايتارىلىپ وتىر»، دەيدى بەكبولات انەسوۆ. 

جىل باسىنان بەرى قارجى پيراميدالارىنان 500 ادام زارداپ شەككەنى انىقتالىپتى. وسىعان بايلانىستى ءتيىستى ءىس-شارالار جۇرگىزىلىپ، قارجى پيراميداسى تۇرىندە جۇمىس ىستەگەن 120 الەۋمەتتىك مەديا سايت پەن اككاۋنت جابىلعان.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار