قوعام • 30 قىركۇيەك، 2022

«URKER-2022» ۇلتتىق بايگەسىنە ءوتىنىم قابىلداۋ باستالدى

133 رەت كورسەتىلدى

باسپا، راديو، ينتەرنەت-جۋرناليستيكا سالاسىنداعى ۇزدىكتەردى انىقتاۋ ءۇشىن «URKER – 2022» ۇلتتىق بايگەسىنە ءوتىنىم قابىلداۋ باستالدى، دەپ حابارلايدى Egemen.kz اقپارات جانە قوعامدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.

رەسپۋبليكا اۋماعىندا مەدياكونتەنت وندىرەتىن جانە تاراتاتىن رەسپۋبليكالىق جانە وڭىرلىك راديوستانتسيالار، باسپا جانە ينتەرنەت-باسىلىمدار بايگەگە قاتىسا الادى.

وتىنىمدەردى قابىلداۋ 2022 جىلعى 30 قىركۇيەكتەن باستاپ 19 قازانعا دەيىن جۇزەگە اسىرىلادى.

كونكۋرستىق جۇمىستار 2021 جىلعى 2 ماۋسىم مەن 2022 جىلعى 29 قىركۇيەك ارالىعىندا باسىلىمدا نە ينتەرنەت-رەسۋرستا جاريالانۋى نەمەسە راديوەفيردە شىعۋى ءتيىس. ءار ۇمىتكەر بايگەنىڭ تەك ەكى نوميناتسياسىنا قاتىسۋعا قۇقىلى.

وتىنىمدەر urker-awards.kz رەسمي سايتىندا 10 نوميناتسيا بويىنشا قابىلدانادى:
1. جىلدىڭ ۇزدىك سۇحباتى
2. جىلدىڭ ۇزدىك رەپورتاجى
3. الەۋمەتتىك تاقىرىپتاعى ۇزدىك ماتەريال
4. جىلدىڭ ۇزدىك جۋرناليستىك زەرتتەۋى
5. جىلدىڭ ۇزدىك اناليتيكالىق ماتەريالى
6. حالىقارالىق تاقىرىپتاعى ۇزدىك ماتەريال
7. جىلدىڭ ۇزدىك جاڭالىقتار پورتالى
8. راديوستانتسياداعى ۇزدىك جوبا
9. جىلدىڭ ۇزدىك فوتوسۋرەتى
10. ۇزدىك وڭىرلىك باق

ارنايى پرەميالار:
1. احمەت بايتۇرسىنوۆ اتىنداعى ارنايى پرەميا (باسپا باق-تاعى جوبا)
2. شەرحان مۇرتازا اتىنداعى ارنايى پرەميا (اۆتورلىق جوبا)
3.باتىر قازىباەۆ اتىنداعى ارنايى پرەميا (ينتەرنەت باق-تاعى جوبا)

جۇمىستاردى قۇرامىنا بەدەلدى جۋرناليستەر، سالانىڭ ەڭبەك سىڭىرگەن قايراتكەرلەرى مەن مەدياساراپتاۋشىلار كىرەتىن سىيلىقتىڭ تاۋەلسىز قازىلار القاسى باعالايتىن بولادى.

كونكۋرس قورىتىندىسى بويىنشا ءار نوميناتسيانىڭ ۇزدىك وكىلىنە جەڭىمپاز اتاعى بەرىلىپ، «URKER - 2022» ەستەلىك مۇسىنشەسى جانە 1 000 000 تەڭگە مولشەرىندەگى اقشالاي سىي تابىستالادى.

ۇلتتىق بايگە ۇيىمداستىرۋشىلارى - اقپارات جانە قوعامدىق دامۋ مينيسترلىگى جانە «مەديا دامىتۋ قورى» كورپوراتيۆتىك قورى.

«URKER» - باسپا، راديو، ينتەرنەت-جۋرناليستيكا سالاسىنداعى ۇزدىك جەتىستىكتەر ءۇشىن بەرىلەدى، ايماقتارداعى مۋلتيمەديالىق جۋرناليستيكانى دامىتۋعا ىقپال ەتۋگە، جۋرناليستيكا مارتەبەسىن ارتتىرۋعا، كاسىبي ستاندارتتار مەن كريتەريلەردى بەكىتۋگە، ازاماتتىق بەلسەندىلىكتى ارتتىرۋعا باعىتتالعان.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار