قازاقستان • 30 قىركۇيەك، 2022

پرەزيدەنت ءىس باسقارۋشىسىنىڭ ورىنباسارى قىزمەتىنەن بوساتىلدى

67 رەت كورسەتىلدى

تالعات امانگەلدى ۇلى جاقان قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى لاۋازىمىنان بوساتىلدى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

«مەملەكەت باسشىسىنىڭ وكىمىمەن تالعات امانگەلدى ۇلى جاقان قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى لاۋازىمىنان بوساتىلدى»، دەلىنگەن حابارلامادا.

تالعات جاقان 1965 جىلى 7 قاڭتاردا الماتى قالاسىندا دۇنيەگە كەلگەن.

1987 جىلى الماتى حالىق شارۋاشىلىعى ينستيتۋتىن «ەكونوميست» ماماندىعى بويىنشا بىتىرگەن. 2018 جىلى رەسەي فەدەراتسياسى سىرتقى ىستەر مينيسترلىگىنىڭ ديپلوماتيالىق اكادەمياسىن ءبىتىردى، ەكونوميكا ماگيسترى.

1988-1992 جىلدارى قازتۇتىنۋوداعى رەسپۋبليكالىق ەسەپتەۋ ورتالىعىنىڭ ەسەپتەۋ تەحنيكاسىن ەنگىزۋ ءبولىمىنىڭ ينجەنەرى، ەكونوميسى بولىپ جۇمىس ىستەدى.

1992-1996 جىلدارى قازاقستان رەسپۋبليكاسى قارجى مينيسترلىگى جانىنداعى قارجى-ۆاليۋتالىق باقىلاۋ كوميتەتى باسقارماسىنىڭ باس باقىلاۋشى-تەكسەرۋشىسى بولدى.

1996-2007 جىلدارى قازاقستان رەسپۋبليكاسى سىرتقى ىستەر مينيسترلىگىنىڭ باس مامانى، ءبولىم باستىعى، ۆاليۋتا-قارجى دەپارتامەنتى ديرەكتورىنىڭ ورىنباسارى قىزمەتتەرىن اتقاردى.

2007 جىلى قازاقستان رەسپۋبليكاسى سىرتقى ىستەر ءمينيسترىنىڭ كەڭەسشىسى بولدى.

2007-2010 جىلدارى قازاقستان رەسپۋبليكاسى پارلامەنتى سەناتى اپپاراتى باسشىسىنىڭ ورىنباسارى قىزمەتىن اتقاردى.

2010 جىلدان 2012 جىلعا دەيىن قازاقستان رەسپۋبليكاسى پرەمەر-ءمينيسترى كەڭسەسىنىڭ ماكروەكونوميكالىق تالداۋ جانە باعدارلامالىق مونيتورينگ ءبولىمىن باسقاردى.

2012 جىلى قازاقستان رەسپۋبليكاسى پرەمەر-ءمينيسترىنىڭ كەڭەسشىسى بولدى.

2012-2014 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى بولىپ جۇمىس ىستەدى.

2014 جىلدان 2016 جىلعا دەيىن تمد اتقارۋشى كوميتەتىنىڭ قارجى دەپارتامەنتىنىڭ ديرەكتورى قىزمەتىن اتقاردى.

2016 جىلدان 2021 جىلعا دەيىن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى بولدى.

2021-2022 جىلدارى قر پرەزيدەنتى ءىس باسقارماسى جانىنداعى «ماتەريالدىق-تەحنيكالىق قامتاماسىز ەتۋ باسقارماسى» مم باسشىسى بولدى.

2022 جىلى قازاقستان رەسپۋبليكاسى پرەزيدەنتىنىڭ ءىس باسقارۋشىسىنىڭ ورىنباسارى بولىپ جۇمىس ىستەدى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار