ەلوردا • 30 قىركۇيەك، 2022

التاي كولگىنوۆ «التىن شار» ۇلەسكەرلەرىمەن كەزدەستى

82 رەت كورسەتىلدى

استانا اكىمى التاي كولگىنوۆ Instagram پاراقشاسىندا ۇزاق ۋاقىتقا سوزىلعان قۇرىلىستىڭ اياقتالۋ بارىسى تۋرالى جازدى، دەپ حابارلايدى Egemen.kz.

«التىن شار» كوپپاتەرلى تۇرعىن ءۇي كەشەنىنىڭ ۇلەسكەرلەرىمەن كەزدەستىم. قۇرىلىسى ۇزاققا سوزىلعان نىسان بەس كوپپاتەرلى ۇيدەن تۇرادى. ۇلەسكەرلەردىڭ جالپى سانى - 1 مىڭ 200-دەن استام وتباسى. نىسانعا كىرگەن كەزدە قۇرىلىس توقتاپ تۇردى، جۇمىس جۇرگىزىلمەدى. ءبىر جەرىندە كەم دەگەندە، ءۇيدىڭ قاڭقاسى بولسا، كەي جەرلەردە ۇيلەردىڭ بلوكتارى نولدىك دەڭگەيدە بولدى – تەك قادالار بىتەلگەن، ياعني ەشتەڭە بولعان جوق دەۋگە بولادى. دەگەنمەن متج قۇرىلىسى 2017 جىلى اياقتالۋى ءتيىس ەدى.

ينۆەستور تارتۋدىڭ ارقاسىندا قۇرىلىس جۇمىستارى قايتا جاندانىپ، قۇرىلىس قايتا باستالدى. بۇعان دەيىن ءبىز قۇرىلىستى اياقتاپ، ۇلەسكەرلەرگە ءتورت تۇرعىن ءۇي كەشەنىنىڭ ء(بىرىنشى جانە ەكىنشى ورىن) كىلتتەرىن بەردىك»، دەپ جازدى اكىم.

ونىڭ ايتۋىنشا، قازىرگى ۋاقىتتا قالعان تۇرعىن ءۇي كەشەنى بويىنشا سوڭعى جۇمىستار جۇرگىزىلۋدە. جالپى، متك بويىنشا قۇرىلىس جۇمىستارىنان باسقا، سىرتقى سۋ قۇبىرى، كارىز، ەلەكتر جەلىلەرى جانە ت. ب. جەلىلەرىن ورناتۋ بويىنشا جۇمىستار جۇرگىزىلدى.

«دەگەنمەن، ءالى دە اتقارار جۇمىس كوپ. كەزدەسۋدە ۇلەسكەرلەر ليفتىلەردىڭ جۇمىسى، ساقالدى قۇرىلىستى اياقتاۋ، اباتتاندىرۋ، الەۋمەتتىك نىساندار (مەكتەپ، ەمحانا)، پاركينگ، اۋلالار جانە ت. ب. سالۋ ماسەلەلەرىن ايتتى. سۇراقتار بويىنشا جۇمىس ىستەلىنەدى. جۇمىستى كەزەڭ-كەزەڭىمەن جۇرگىزەمىز. مىسالى، اۋا رايى جاعدايىن ەسكەرە وتىرىپ، اۋلا قۇرىلىسىن الداعى كوكتەمگە (2023ج) جوسپارلايمىز، سونداي-اق ايتىلعان الەۋمەتتىك وبەكتىلەردىڭ قۇرىلىسىنا ارنالعان ۋچاسكەلەردى بەكىتەمىز.

مەملەكەت باسشىسىنىڭ تاپسىرماسى بويىنشا قۇرىلىسى ۇزاققا سوزىلعان نىسانداردىڭ قۇرىلىسىن اياقتاۋ بويىنشا جۇيەلى جۇمىستار جۇرگىزۋدەمىز. 16 مىڭنان استام ۇلەسكەر-وتباسىلاردىڭ 13 مىڭنان استامى كوپتەن كۇتكەن كىلتتەرىنە يە بولدى. قالعان ساقالدى قۇرىلىستار بويىنشا قادامدىق ءىس-شارالار جوسپارى بار»، دەپ جازدى قالا اكىمى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار