ايماقتار • 30 قىركۇيەك، 2022

سەمەيدە «ۇستاز بەن شاكىرت» ەسكەرتكىشى سالتاناتتى تۇردە اشىلدى

267 رەت كورسەتىلدى

پرەزيدەنت سەمەي قالاسىندا مۇحتار اۋەزوۆ پەن قايىم مۇحامەدحانوۆقا ارنالعان «ۇستاز بەن شاكىرت» ەسكەرتكىشىن سالتاناتتى تۇردە اشتى، دەپ حابارلايدى Egemen.kz.

راسىمنەن كەيىن مەملەكەت باسشىسى حالقىمىزدىڭ ۇلى پەرزەنتتەرىنىڭ ۇرپاقتارىمەن جانە زيالى قاۋىم وكىلدەرىمەن اڭگىمەلەستى.

و

و

– بۇل – ۇستاز بەن شاكىرت، اعا مەن ءىنى اراسىنداعى رۋحاني بىرلىكتىڭ سيمۆولى. شىن مانىندە، قوس الىپتى بولە-جارىپ قاراۋ مۇمكىن ەمەس. ولار اباي مۇراسىن زەرتتەپ، دارىپتەۋگە ولشەۋسىز ەڭبەك ءسىڭىردى. ءتول ادەبيەتىمىزدى جاڭا بەلەسكە كوتەردى. مۇحتار اۋەزوۆ ابايدى، اباي ارقىلى قازاقتى بۇكىل الەمگە تانىتتى. ۇلى ويشىلدىڭ كوركەم بەينەسىن سومداپ، ونىڭ اسىل مۇراسىن ادامزاتتىڭ ورتاق قازىناسىنا قوستى. جازۋشىنىڭ ءار تۋىندىسى جۇرتىمىزدىڭ جۇرەگىنەن وشپەس ورىن الدى. مۇحتار اۋەزوۆ – الەم ادەبيەتىنىڭ شىڭىنا كوتەرىلگەن قالامگەر. ال قايىم مۇحامەدحانوۆ – ۇلى جازۋشىنىڭ جاقىن سەرىگى ءارى شاكىرتى. ول بۇكىل عۇمىرىن ابايتانۋ، شاكارىمتانۋ جانە الاشتانۋ عىلىمىنا ارنادى. قۋعىن-سۇرگىنگە ۇشىراسا دا، تاعدىردىڭ سىناعىنا قارسى تۇرىپ، ەلىنە ادال قىزمەت ەتتى، - دەدى پرەزيدەنت.

و

سەمەي قالاسىنداعى مۇحتار اۋەزوۆ پەن قايىم مۇحامەدحانوۆقا ارنالعان «ۇستاز بەن شاكىرت» ەسكەرتكىشىنىڭ اۆتورى – نۇربول قاليەۆ. ءمۇسىن كومپوزيتسياسى قولادان، تۇعىرى تۇتاس كۇرت گرانيتىنەن جاسالعان. ەسكەرتكىشتىڭ بيىكتىگى – 4 مەتر. ونەر تۋىندىسى دەمەۋشىلەر ەسەبىنەن بوي كوتەردى.

ل

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار