جيىندا كومپانيانىڭ دامۋ جوسپارىن ىسكە اسىرۋ ناتيجەلەرى جانە بىرقاتار ۇيىمداستىرۋشىلىق ماسەلە قارالدى.
ۇلتتىق كومپانيانىڭ باسقارما توراعاسى مەيىرجان يۋسۋپوۆ وتكەن جىلى كومپانيا دامۋ كورسەتكىشتەرىن, ونىڭ ىشىندە قارجىلىق جانە ينۆەستيتسيالىق جوبالاردى ىسكە اسىرۋ جونىندەگى كورسەتكىشتەردى ورىنداعانىن باياندادى.
بيىل «Kazakh Invest» قولداۋىمەن جالپى سوماسى $6 ملرد-تان اساتىن شامامەن 45 جوبانى ىسكە اسىرۋ جانە پايدالانۋعا بەرۋ جوسپارلانۋدا.
پرەمەر-مينيستر شەتەلدىك ينۆەستيتسيالار ءۇشىن جاھاندىق كۇرەس جاعدايىندا «Kazakh Invest» الدىندا قازاقستان ەكونوميكاسىنا ءىرى كورپوراتسيالاردى تارتۋ جانە جاڭا ينۆەستيتسيالىق جوبالاردى ىسكە اسىرۋ بويىنشا ماڭىزدى مىندەتتەر تۇرعانىن اتاپ ءوتتى.
«بۇل باعىتتا ءتيىستى مۇمكىندىكتەردى پايدالانىپ, شەتەلدىك ينۆەستورلارمەن پرواكتيۆتى تۇردە جۇمىس جۇرگىزۋ كەرەك. بۇل ءۇشىن ۇكىمەت تاراپىنان بارلىق جاعداي جاسالعان», دەدى ءاليحان سمايىلوۆ.
سونىمەن قاتار وتىرىستا قازاقستاننىڭ 2026 جىلعا دەيىنگى ينۆەستيتسيالىق ساياساتىنىڭ تۇجىرىمداماسىنا سايكەستەندىرۋ ءۇشىن كومپانيانىڭ 2018-2027 جىلدارعا ارنالعان دامۋ ستراتەگياسىنا وزگەرىستەر مەن تولىقتىرۋلار ەنگىزۋ ماسەلەسى قارالدى. تۇجىرىمداماعا سايكەس, جىل سايىن شامامەن $25 ملرد تىكەلەي شەتەلدىك ينۆەستيتسيالار اعىنىن قامتاماسىز ەتۋ كوزدەلىپ وتىر.
