جەرگىلىكتى باق جول اپاتى 28 قىركۇيەك كۇنى كەشكە بولعانىن حابارلادى. ءبورلى اۋدانىنىڭ اقساي قالاسىندا №3 «گازەل» مارشرۋتى مەن جەڭىل كولىك سوقتىعىستى. بقو دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, بۇل حابار جەدەل جاردەم ستانتسياسىنىڭ پۋلتىنە 18:21-دە تۇسكەن. جول اپاتىنان بارلىعى 14 ادام زارداپ شەكتى, ولاردىڭ اراسىندا بالالار دا بار. ولارعا جابىق باس ميىنىڭ جاراقاتى, كونتۋزيا جانە كوگەرۋ دياگنوزى قويىلدى.
72 جاستاعى قارت ايەل العان جاراقاتتارىنان وقيعا ورنىندا قايتىس بولدى. 64 جاستاعى ايەل اۋداندىق اۋرۋحانانىڭ حيرۋرگيالىق بولىمىنە جاتقىزىلدى. قالعان 12 ادام امبۋلاتوريالىق ەمدەلۋگە جىبەرىلدى.
بقو پوليتسيا دەپارتامەنتى اپات تۋرالى قوسىمشا اقپارات جاريالانىتىنىن ايتتى.
