دميتري پوپكو بۋەنوس-ايرەستەگى جارىستىڭ العاشقى اينالىمىنان سۇرىنبەي ءوتتى. تاي-برەيككە دەيىن جەتكەن ءبىرىنشى سەتتە جەرلەسىمىزدىڭ باعى جانسا, ەكىنشىسىندە سانتياگو رودريگەس تاۆەرنا ءبىزدىڭ جىگىتتىڭ تاس-تالقانىن شىعاردى. دەسەك تە شەشۋشى تۇستا شيراق قيمىلداعان پوپكو جەڭىستى كورت قوجايىنىنىڭ ۋىسىنان ج ۇلىپ اكەتتى – 7:6, 0:6. 7:5. بۇل باسەكەنىڭ جەڭىمپازىن انىقتاۋ ءۇشىن 2 ساعات 40 مينۋت ۋاقىت قاجەت بولدى. تيموفەي سكاتوۆ ليسسابونداعى ءتۋرنيردىڭ تۇساۋكەسەر كەزدەسۋىندە يسپانيالىق وريول روكا باتاليامەن كۇش سىناستى. اسا شيەلەنىستى وتكەن ويىن 2 ساعات 52 مينۋتقا سوزىلىپ, وتانداسىمىزدىڭ پايداسىنا شەشىلدى – 7:6, 7:6.
سوفيادا اتر 250 دوداسىنىڭ شىمىلدىعى ءتۇرىلدى. باستاپقى باسەكەدە اندرەي گولۋبەۆ پەن الەكساندر نەدوۆەسوۆ جۇبى فيليپپ وسۆالد (اۋستريا) پەن روبين حاسەدەن (نيدەرلاند) باسىم ءتۇستى – 6:3, 7:6 (7:5). پارمادا چەحيالىق دجەسيكا مالەچكوۆامەن جۇپ قۇرعان اننا دانيلينا ەميلي ەپپلتون ( ۇلىبريتانيا) مەن كۋينن گليسوندى (اقش) ويسىراتا ۇتىپ, شيرەك فينالعا شىقتى – 6:1, 6:0.
