بۇل ساپار كورەيا رەسپۋبليكاسى ىشكى ىستەر جانە قاۋىپسىزدىك ءمينيسترلىگى (MOIS), كورەيا رەسپۋبليكاسى ۇلتتىق اقپاراتتىق قوعام اگەنتتىگى (NIA), بۇۇ دامۋ باعدارلاماسى (بۇۇدب) جانە استانا مەملەكەتتىك قىزمەت حابىنىڭ (حاب) كورەيا رەسپۋبليكاسىنىڭ ۇكىمەتى قارجىلاندىراتىن بىرلەسكەن جوباسى اياسىندا ۇيىمداستىرىلدى.
ءۇش كۇندىك ساپار اياسىندا «جاڭا تسيفرلىق تەحنولوگيالاردى پايدالانا وتىرىپ مەملەكەتتىك قىزمەتتەردى ۇسىنۋ» تاقىرىبىندا سەمينار ءوتتى. مەملەكەتتىك قىزمەتكەرلەر مەن پراكتيكتەر كورەيا رەسپۋبليكاسىنىڭ مەملەكەتتىك ورگاندارىنا بارىپ, مەملەكەتتىك باسقارۋ جانە مەملەكەتتىك قىزمەت سالاسىنداعى يننوۆاتسيالاردىڭ وزىق ۇلگىلەرىمەن, سونىڭ ىشىندە «ەلەكتروندى بۇلت» ساياساتى مەن تاجىريبەسى, كيبەرقاۋىپسىزدىك, جاساندى ينتەللەكت, تسيفرلىق سايكەستەندىرۋ جۇيەسى, بلوكچەين نەگىزىندەگى مەملەكەتتىك قىزمەتتەرمەن تانىستى.
NIA پرەزيدەنتى دجونگسۋنگ حۆان COVID-19 پاندەمياسىنىڭ شىعۋى تسيفرلىق ۇكىمەت قۇرۋ مەن ونى دامىتۋ, ازاماتتارعا جاساندى ينتەللەكت پەن ۇلكەن دەرەكتەر سىندى جاڭا تەحنولوگيالاردى قولدانا وتىرىپ, مەملەكەتتىك ونلاين-قىزمەتتەردى ۇسىنۋدىڭ ماڭىزىن بۇكىل الەمدەگىۇكىمەتتەرءدىڭ ءتۇسىنۋىنە سەبەپشى بولعانىن ايتتى. ول بىرلەسكەن جوبا اياسىندا 2021 جىلدان باستاپ MOIS, NIA, بۇۇدب جانە حاب جەتى ەلدە يننوۆاتسيالار مەن مەملەكەتتىك باسقارۋ جانە مەملەكەتتىك قىزمەتتەردى تسيفرلاندىرۋ سالاسىنداعى مەملەكەتتىك قىزمەتشىلەردىڭ الەۋەتىن ارتتىرۋعا بەلسەندى تۇردە كۇش سالىپ كەلە جاتقانىن ەسكە سالدى.
حابتىڭ باسقارۋشى كوميتەتى توراعاسى اليحان بايمەنوۆ كورەيا رەسپۋبليكاسى ۇكىمەتى مەن ورتالىق ازيا جانە كاۆكاز ەلدەرى اراسىنداعى ىنتىماقتاستىقتىڭ قۇندىلىعىنا ەرەكشە توقتالدى. «الەمدە تسيفرلىق قۇرالدار مەن GovTech مەملەكەتتىك باسقارۋ جاڭا جاعدايداكەزدەسەتىن سىن-قاتەرلەرگە توتەپ بەرەتىن نەگىزگى قۇرالدىڭ ءبىرى ەكەنى انىق. قازىرگى زامانعى تەحنولوگيالاردى قولدانۋمەن قاتار, ەل مۇددەسءىن ەسكەرە وتىرىپ, ۆەدومستۆوارالىق بىتىراڭقىلىقتى ەڭسەرۋ دە ماڭىزدى. كورەيا رەسپۋبليكاسى وسى سالاداعى الەمدىك كوشباسشىلاردىڭ ءبىرى بولا وتىرىپ, حاب پلاتفورماسىندا ءوز تاجىريبەسىمەن بولىسۋگە دايىن ەكەنى وتە ماڭىزدى», دەدى بايمەنوۆ مىرزا.
ىشكى ىستەر جانە قاۋىپسىزدىك مينيسترلىگىنىڭ (MOIS) تسيفرلىق ۇكىمەت سالاسىنداعى ىنتىماقتاستىق ءبولىمىنىڭ ديرەكتورى سوندجۋ سون ايماق ەلدەرىنىڭ قىزىعۋشىلىعىن ەسكەرە وتىرىپ, MOIS-ءتىڭ جيناقتالعان تاجىريبەسى جانە بىلىمىمەن بولىسۋگە دايىن ەكەنىن ايتتى: «باعدارلاماعا قاتىسىپ جاتقان بارلىق ەلدىڭ مەملەكەتتىك سەكتورداعى تسيفرلىق يننوۆاتسيالارعا دەگەن بەرىك ۇستانىمىن كورىپ وتىرمىز».
MOIS جانە NIA تانىسۋ ساپارلارىن تسيفرلىق ۇكىمەتتىڭ كورمە زالىنا (سەدجون ق.), ناقىش باسۋ, قورعالعان باسىپ شىعارۋ جانە ID-كارتالارمەن جۇمىس جونىندەگى كورپوراتسياعا, سونداي-اق ۇلتتىق اقپاراتتىق رەسۋرستار قىزمەتىنە (تەدجون ق.) ۇيىمداستىردى. قاتىسۋشىلار انيان قالاسىنىڭ سمارت ورتالىعىندا بولىپ, قالا ازاماتتارىنىڭ قوعامدىق ءتارتىبى مەن قاۋىپسىزدىگىن قامتاماسىز ەتۋ ءۇشىن دەرەكتەردى وڭدەۋ ينتەگراتسيالانعان بازالارىن زەردەلەپ, Samsung SDS-كە دە باردى, وندا اناليتيكا, جاساندى ينتەللەكت جانە بلوكچەين تەحنولوگياسى پلاتفورمالارىن قوسا العاندا, تسيفرلىق ترانسفورماتسيا سالاسىنداعى يننوۆاتسيالىق شەشىمدەردى زەرتتەدى.
