قوعام • 28 قىركۇيەك، 2022

اقتوبەدەگى وقۋشىلار تۋبەركۋلەزگە قارسى قايتا ۆاكتسيناتسيالانادى

34 رەت كورسەتىلدى

دەنساۋلىق ساقتاۋ مينيسترلىگى اقتوبەدەگى مەكتەپ وقۋشىلارىن مانتۋ سىناماسىن جۇرگىزبەي بتسج ۆاكتسيناسىمەن قايتا ۆاكتسيناتسيالاۋ فاكتىسى بويىنشا قىزمەتتىك تەكسەرۋ باستالعانىن مالىمدەدى، دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ. 

ۆەدومستۆو وكىلدەرى حابارلاعانداي، قازىرگى ۋاقىتتا بۇل فاكتى بويىنشا قۇرامىندا دەنساۋلىق ساقتاۋ مينيسترلىگىنىڭ بەيىندى سانيتاريالىق-ەپيدەميولوگيالىق باقىلاۋ جانە مەديتسينالىق جانە فارماتسەۆتيكالىق باقىلاۋ كوميتەتتەرىنىڭ باسشىلارى، بەيىندى ماماندارى بار كوميسسيا قۇرىلدى. كوميسسيا مۇشەلەرى ەپيدەميولوگيالىق تەكسەرۋ جۇرگىزىپ، ساراپتامالىق قورىتىندىنىڭ نەگىزىندە بولعان ينتسيدەنتكە باعا بەرەدى.  

وبلىستىق دەنساۋلىق ساقتاۋ باسقارماسى اتا-انالارمەن ءتۇسىندىرۋ جۇمىستارىن جۇرگىزىپ، بالالاردىڭ دەنساۋلىق جاعدايىنا تۇراقتى مونيتورينگ جۇرگىزۋدە.

ەسكە سالا كەتسەك، وسى جىلدىڭ 13 قىركۇيەگىندە اقتوبە قالاسىنىڭ №74 جالپى ءبىلىم بەرەتىن ورتا مەكتەبىندە تۋبەركۋليندىك دياگنوستيكاعا جاتاتىن ءبىرىنشى سىنىپ وقۋشىلارىنا مانتۋ سىناماسىن جۇرگىزبەي بتسج ۆاكتسيناسىمەن قايتا ۆاكتسيناتسيالاۋ فاكتىسى ورىن الدى.

«مەكتەپ بويىنشا پروفيلاكتيكالىق ەكپەلەردى جۇرگىزۋ ءۇشىن جاۋاپتى ورىنداۋشىلار رەتىندە اقتوبە قالاسىنداعى جەكە كلينيكانىڭ («مەديكۋس ورتالىعى» جشس) دارىگەرى مەن مەيىرگەرى تاعايىندالدى. اتالعان مەديتسينا قىزمەتكەرلەرى بۇگىندە جۇمىستان شەتتەتىلدى. بالالاردىڭ جالپى جاعدايى قاناعاتتانارلىق، بارلىعى پەدياترلاردىڭ باقىلاۋىمەن ساباقتارىن جالعاستىرۋدا»، دەلىنگەن مينيسترلىك حابارلاماسىندا.

سوڭعى جاڭالىقتار

دوللار باعامى تومەندەدى

قارجى • بۇگىن، 16:10

ۇقساس جاڭالىقتار