«جوعارى بىلىكتى ىت ماماندارىن دايىنداۋ ءۇشىن بەيىندى ۋنيۆەرسيتەتتەر وڭىرلىك جوعارعى وقۋ ورىندارىن ءوز قامقورلىعىنا الدى, گرانت ارقىلى وقىتۋ كەڭەيىپ, 12 جەكە مەنشىك IT-مەكتەپ اشىلدى. جۋىردا نيۋ-يورككە جاساعان ساپارىم اياسىندا «Digital Nomads» IT-قاۋىمداستىعىنداعى جاس وتانداستارىمىزبەن كەزدەستىم. ولار اقش, ەۋروپانىڭ ءىرى كومپانيالارىندا جۇمىس ىستەيدى جانە جاھاندىق دەڭگەيدە باسەكەگە قابىلەتتى», دەدى پرەزيدەنت.
سونداي-اق مەملەكەت باسىشى جاستار قاي جەردە جۇمىس ىستەسە دە, ۇكىمەت ولارعا قولداۋ كورسەتۋى كەرەك ەكەنىن قاداپ ايتتى.
«قازىرگى تاڭدا قازاقستاندا دا حالىقارالىق دەڭگەيدەگى ونىمدەردى جاساۋعا قابىلەتتى تالانتتى ادامدار از ەمەس. سوندىقتان ۇكىمەتكە كەلەسى مىندەتتەر قويىلادى: ءبىر جاعىنان, جاستار قاي جەردە جۇمىس ىستەسە دە, ولارعا قولداۋ كورسەتۋ كەرەك, ال ەكىنشى جاعىنان, ولاردى ەلىمىزدەگى تسيفرلاندىرۋ ىسىنە بارىنشا ارالاستىرۋ قاجەت», دەپ تۇيىندەدى قاسىم-جومارت توقاەۆ.
