تەننيس • 28 قىركۇيەك، 2022

Astana Open اتر 500 تۋرنيرىندە ونەر كورسەتكىم كەلەدى – بەيبىت جۋكاەۆ

66 رەت كورسەتىلدى

بەيبىت جۋكاەۆ «داۋلەت» تەننيس ورتالىعىندا ءوتىپ جاتقان ەل چەمپيوناتىندا ۇزدىك شىقسا، استانا جارىسىنىڭ ىرىكتەۋ سايىستارىنا جولداما الادى، دەپ حابارلايدى Egemen.kz.

«بىرىنشىلىك مەن ءۇشىن ءساتتى وتۋدە. العاشقى ەكى ويىنعا ونشا كۇش جۇمساعان جوقپىن. ەندى شيرەك فينالدا ۇتسام، ار جاعىندا ەكى-اق كەزدەسۋ قالادى. قازاقستان چەمپيونىنا التىن مەدال مەن  اقشالاي سىياقى، سونداي-اق ەلىمىزدە العاش رەت وتكەلى وتىرعان Astana Open اتر 500 دوداسىنىڭ ىرىكتەۋ سايىستارىنا جولداما بەرىلەدى. ارينە، مۇنداي جوعارى دەڭگەيدەگى تەننيس تويىنىڭ ءوتۋى – ۇلكەن مارتەبە. جانكۇيەرلەر، اسىرەسە، بالالار نوۆاك دجوكوۆيچ، كارلوس الكاراس، دانيل مەدۆەدەۆ، ستەفانوس تسيتسيپاس، اندرەي رۋبلەۆ، ياننيك سيننەر سىندى اتاقتى ويىنشىلاردىڭ ونەرىن جاقىننان تاماشالايدى. مەن بۇرىن اتر 500 نەمەسە 250 جارىستارىنا قاتىسىپ كورمەگەن ەدىم. سوندىقتان بۇدان تىس قالماۋعا بار كۇشىمدى سالامىن»، دەدى 21 جاستاعى تەننيسشى.

قازاقستان تەننيس فەدەراتسياسىنىڭ ءباسپاسوز قىزمەتىندەگىلەر اقتاۋ تەننيس مەكتەبىنىڭ تۇلەگى چەللەندجەر تۋرنيرلەرىندە بيىل ءتاۋىر ناتيجە كورسەتىپ جۇرگەنىن ايتادى. ماسەلەن، ىستانبۇلداعى تۋرنيردە شيرەك فينالعا دەيىن جەتكەنىن ۇمىتا قويعان جوقپىز. ال ەلوردادا وتكەن Presidents Cup جانە تايلاندتا وتكەن تۋرنيرلەردە جارتىلاي فينالدا وينادى.

ايتا كەتەيىك، بەيبىت جۋكاەۆ الەمدىك رەيتينگتە 326-ساتىدا تۇر.

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار