Dr.Web كومپانياسىنىڭ ورتالىق ازياداعى باس ديرەكتورى يليا دىبوۆتىڭ ايتۋىنشا, قازىر الەمدەگى ۆەب-قاۋىپتەردىڭ كولەمى قارقىندى تۇردە ءوسىپ كەلەدى. سول سەبەپتى قاۋىپسىزدىك جۇيەسىنە ءجىتى كوڭىل بولگەن دۇرىس دەيدى ول.
«قازىر IT-ءدىڭ ەنبەگەن سالاسى قالمادى. سايكەسىنشە, الەمدە بۇعان بايلانىستى قاۋىپتىڭ ءتۇرى دە كوبەيىپ جاتىر. بۇل ءارتۇرلى سيپاتتاعى «تروياندىق» ۆيرۋستاردان باستاپ الاياقتاردىڭ ارەكەتتەرىنە دەيىن قامتيدى. اسىرەسە جەكە دەرەكتەرگە قاتىستى قاۋىپ-قاتەر ازايماي تۇر. بۇل پروبلەمامەن كورپوراتيۆتىك جانە جەكە جەلىلەردىڭ پايدالانۋشىلارى بەتپە-بەت كەلۋدە. ءبىز وسى باعىتتاعى تاجىريبەمەن اباي وبلىسىنىڭ تۇرعىندارىمەن بولىسكىمىز كەلەدى», دەدى ي.دىبوۆ.
انتيۆيرۋستىق زەرتحانانىڭ وكىلدەرى اقپاراتتىق قاۋىپسىزدىك ماسەلەسىنىڭ وزەكتىلىگى ۋاقىت وتكەن سايىن ارتىپ بارا جاتقانىن ايتادى.
«انتيۆيرۋستىق جۇيەلەر – وسى باعىتتا كورسەتىلەتىن قىزمەتتىڭ ءبىر تارماعى عانا. اقپاراتتىق قاۋىپسىزدىك مۇلدەم باسقا سالا. سوندىقتان پايدالانۋشىلاردىڭ بۇل جونىندە تولىققاندى بىلىممەن قامتىلۋى وتە ماڭىزدى دەپ سانايمىز. تەك ادامداردىڭ ءبىلىمى مەن حاباردارلىعى جەكە دەرەكتەردىڭ 100% قورعالۋىنا مۇمكىندىك بەرەدى», دەدى Dr. Web كومپانياسىنىڭ باسشىسى.
جاڭادان اشىلعان زەرتحانادا ۆيرۋسقا قارسى باعدارلامالىق جاساقتامانى ازىرلەۋدەن بولەك, بارلىق دەربەس كومپيۋتەر پايدالانۋشىلارىنا اقپاراتتىق قاۋىپسىزدىككە ارنالعان كۋرستار وتكىزىلەدى دەپ جوسپارلانعان.
