كلۋب وتىرىسىنا رەسپۋبليكالىق جانە وڭىرلىك جاستار ۇيىمدارىنىڭ باسشىلارى مەن بەلسەندىلەرى, وڭىرلىك جاستار رەسۋرستىق ورتالىقتارىنىڭ, جاستار ءىسى جونىندەگى كوميتەتتەردىڭ قىزمەتكەرلەرى, استانا قالاسىنداعى جوو ستۋدەنتتەرى, ماگيسترانتتارى مەن دوكتورانتتارى قاتىستى.
اتالعان كلۋب ورتالىق سايلاۋ كوميسسياسىنىڭ توراعاسى نۇرلان ءابدىروۆتىڭ باستاماسىمەن ورتسايلاۋكوم جانىنداعى كونسۋلتاتيۆتىك-كەڭەسشى ورگان رەتىندە قۇرىلعانىن اتاپ وتكەن ءجون. نەگىزگى ماقساتى – جاستاردىڭ نازارىن سايلاۋ پروتسەسىنىڭ وزەكتى ماسەلەلەرىنە اۋدارۋ, ولاردىڭ سايلاۋ بەلسەندىلىگى مەن قۇقىقتىق مادەنيەتىن ارتتىرۋ.
نۇرلان ءابدىروۆ ءوز سوزىندە جاستارمەن جۇمىس ورتالىق سايلاۋ كوميسسياسى قىزمەتىنىڭ جاڭا باعىتى ەكەنىن اتاپ ءوتتى. «سايلاۋ – بۇل وتە ماڭىزدى قۇقىقتىق جانە قوعامدىق-ساياسي پروتسەسس. كونستيتۋتسيادا حالىق بيلىكتى رەسپۋبليكالىق رەفەرەندۋم جانە ەركىن سايلاۋ ارقىلى جۇزەگە اسىرادى دەلىنگەن. سوندىقتان سايلاۋشىلاردىڭ, اسىرەسە جاستاردىڭ سايلاۋ مادەنيەتىن دامىتۋ, قۇقىقتىق ساۋاتتىلىعى مەن بەلسەندىلىگىن ارتتىرۋ وتە ماڭىزدى جانە قاجەت. سەبەبى جاستار – ءبىزدىڭ بولاشاعىمىز, جاڭا قازاقستان دەگەنىمىز بۇل – سىزدەر», دەدى ن.ءابدىروۆ.
جيىندا سايلاۋ پروتسەسىنىڭ ءتۇرلى باعىتتارى بويىنشا بەلسەندى جانە قىزۋ پىكىرتالاس ءوتتى. جاس سايلاۋشىلار وزدەرىن قىزىقتىرعان بارلىق سۇراقتارعا جاۋاپ الدى. قاتىسۋشىلار جاستاردىڭ قۇقىقتىق ساۋاتتىلىعىن جانە سايلاۋ بەلسەندىلىگىن ارتتىرۋدىڭ, ونىڭ سايلاۋ پروتسەسىنە قاتىسۋىنىڭ ماڭىزدىلىعىن اتاپ ءوتتى.
جاستار بەلسەندىسى ولجاس سۇلەيمەنوۆ سايلاۋعا جانە رەسپۋبليكالىق رەفەرەندۋمعا قاتىسۋداعى جەكە تاجىريبەسىمەن ءبولىستى. ەلەنا دانيلوۆا «سايلاۋ مادەنيەتى مەن حالىقتىڭ بەلسەندىلىگىن نىعايتۋ» جوباسى تۋرالى ايتىپ بەردى. دينارا سادۋاكاسوۆا جاستاردىڭ ەلەكتورالدىق بەلسەندىلىگىن زەرتتەۋدىڭ جەكە ناتيجەلەرى تۋرالى ويىن ورتاعا سالدى.
وتىرىستى قورىتىندىلاي كەلە, نۇرلان ءابدىروۆ كلۋب قاتىسۋشىلارىن سايلاۋ مادەنيەتى مەن جاس سايلاۋشىلاردىڭ بەلسەندىلىگىن ارتتىرۋ ماقساتىندا ودان ءارى ىنتىماقتاستىق پەن ديالوگقا شاقىردى. ء«بىز ءۇشىن سايلاۋ پروتسەسىنىڭ كەڭ اۋقىمدى ماسەلەلەرى بويىنشا سىزدەردىڭ پىكىرلەرىڭىز بەن ۇسىنىستارىڭىز وتە ماڭىزدى. ءبىز وسىنداي اشىق جانە سىندارلى فورماتتا جۇمىس ىستەۋگە نيەتتىمىز», دەدى نۇرلان ءابدىروۆ.
