قوعام • 28 قىركۇيەك، 2022

ەلگە كەلگەندەردىڭ ەسەبى بار

71 رەت كورسەتىلدى

كورشى رەسەيدەگى احۋال ەلىمىزدىڭ كوشى-قون ساياساتىنا قاتىستى ساۋالداردى ارتتىرا تۇسكەنى راس. ساياساتتان الىس دەگەن شالعاي اۋىلداعى قاراپايىم تۇرعىننىڭ ءوزى بۇل جايدان حاباردار. قوعامدا تۇسىنبەۋشىلىك، الاڭداۋشىلىق بايقالادى.

وسى رەتتە ىشكى ىستەر مينيسترلىگى كوشى-قون كوميتەتى توراعاسىنىڭ مىن­دە­تىن اتقارۋشى اسلان اتالىقوۆ قازىرگى جاع­دايعا توقتالدى.

 – پاندەميادان كەيىن كوشى-قون سالاسىنا قان جۇگىرە باستادى. كارانتيندىك شەكتەۋلەر جەڭىلدەتىلىپ، مەملەكەتتىك شەكارانىڭ قۇرلىقتاعى وتكىزۋ پۋنكت­تە­رىندەگى جاعداي تۇراقتالا باستادى. جىل باسىنان بەرى ەلىمىزگە 4 ملن 399 مىڭ شەتەل ازاماتى كەلدى. اتاپ ايت­­ساق، رەسەيدەن – 1 ملن 700 مىڭ (39%)، وز­بەكستاننان – 1،5 ملن (34%)، قىر­عىز­ستاننان – 547 مىڭ، تاجىكستاننان 200 مىڭنان استام، بەلارۋستەن – 53 مىڭ، تۇركيادان – 68 مىڭ، گەرمانيادان 43 مىڭ ادام ەل شەكا­را­سىن اتتادى. وسى ۋاقىت ىشىندە قا­زاق­ستان ارقىلى 4 ملن 155 مىڭ ادام شەتەلگە كەتتى. ونىڭ ىشىندە رەسەي فەدەرا­تسيا­سىنىڭ 1 ملن 666 مىڭ ازاماتى، 1 ملن 370 مىڭ وزبەكستان ازاماتى، 540 مىڭ قىرعىزستان ازاماتى، 196 مىڭ تاجىكستان ازاماتى بار، – دەيدى اسلان اتالىقوۆ.

رەسەي فەدەراتسياسى ازاماتتارىنىڭ يمميگراتسياسىنا كەڭىنەن توقتالعان ءىىم وكىلى 2019 جىلى پاندەميا بولماعان كەزدە قازاقستانعا 2 ملن 875 مىڭ رەسەيلىك كەلگەنىن مالىمدەدى. «ياعني سول كەزدە 3 ميلليونعا جۋىق ادام كىردى. ال بيىل 9 ايدا 1 ملن 600 مىڭ ادام تىركەلدى، ياعني الدەقايدا از. دەسە دە رەسەي بيلىگىنىڭ تاياۋداعى شەشىمدەرىنەن كەيىن وتكەن اپتادان باستاپ رەسەي فەدەراتسياسىنان ەميگرانتتار اعىنى كوپتەگەن باعىتتا، ونىڭ ىشىندە قازاقستانعا دا ۇلعايدى. سوندىقتان دا رەسەي فەدەراتسياسىنىڭ شەكاراسى جاعىنان كەپتەلىس بايقالادى. بۇل جەردە قازاقستاندىقتاردىڭ مۇددە­لە­رىن دە اتاپ ءوتۋ ماڭىزدى. كۇن سايىن 40-قا جۋىق جانە مىڭنان اسا ازامات قازاقستاننان شىعادى. كۇن سايىن 15-17 مىڭ قازاقستاندىق رەسەي فەدەراتسياسىنا بارادى، وندا تۋىستارى، بالالارى وقيدى، اتا-انالارى تۇرادى، بيزنەس جانە باسقا دا شارۋالارى بار. ياعني شەكارالارداعى كەپتەلىس وتانداستارىمىزعا دا كەرى اسەرىن تيگىزۋدە»، دەدى كوشى-قون كوميتەتىنىڭ قىز­مەتكەرى.

قازاقستاننىڭ رەسەيمەن قۇرلىق شە­كا­راسىنىڭ ۇزىندىعى – 7 591 كم. بۇل – الەمدەگى ەڭ ۇزىن قۇرلىق شەكاراسى. سايكەسىنشە، رەسەي فەدەراتسياسىنىڭ ازاماتتارى ءۇشىن قازاقستاننىڭ ترانزيتتىك الەۋەتى جوعارى. رەسمي جاڭالىقتاردان رەسەي اۋەجايلارىندا ۇلكەن سۇرانىسقا بايلانىستى اۋە بيلەتتەرىنە قاتىستى پروب­لەمالارى باستالعانىن اڭعارۋعا بولا­دى.

– ترانزيتكە كەلەتىن بولساق، سوڭعى بىر­نەشە كۇندە قازاقستاننان رەسەي فە­دە­راتسياسىنىڭ 40 مىڭنان اسا ازاماتى كەتتى. مىڭداعان ادام قازاقستان ارقىلى وڭتۇستىك كورشىلەرىمىز قىر­عىزستان مەن وزبەكستانعا اتتاندى. 5 كۇن ىشىندە 6 مىڭعا جۋىق رەسەي­لىك قازاقستاننان ءبىزدىڭ اۋەجايلار ار­قىلى ۇشىپ شىقتى. كوشى-قون باقى­لا­ۋىنا كەلەتىن بولساق، زاڭناما بۇل پرو­تسەستەردى جانە شەتەلدىكتەردىڭ قازاق­­­ستاندا بولۋ ءتارتىبىن رەتتەيدى. ولاردىڭ ەسەبى جۇرگىزىلەدى. بولۋ مەرزىمى باقىلانادى. كوشى-قون زاڭناماسىن بۇزۋشىلارعا كوزدەلگەن دەن قويۋ شارالارى قابىلدانادى، – دەدى ا.اتالىقوۆ.

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار