بۇل تۋرالى مادەنيەت جانە سپورت ءمينيسترى داۋرەن اباەۆ ءوزىنىڭ Facebook-تەگى پاراقشاسىندا حابارلادى.
«قىمباتتى دوستار, بەلگىلى رەجيسسەر اقان ساتاەۆقا «قازاقفيلم» اق پرەزيدەنتى لاۋازىمىندا اتقارعان قاجىرلى, ەڭ باستىسى جەمىستى ەڭبەگى ءۇشىن ۇلكەن العىسىمدى بىلدىرگىم كەلەدى. بۇگىن اقان قارعامباي ۇلى ءوز ەركىمەن اتى اڭىزعا اينالعان كينوستۋديانىڭ باسشىسى قىزمەتىنەن بوساتىلدى. ونىڭ شىعارماشىلىق جولى ءبىزدىڭ كينەماتوگرافىمىزدىڭ دامۋىنا ۇلەس قوساتىن سەرپىندى جوبالارمەن تولىقتىرىلاتىنىنا سەنىمدىمىن», دەپ جازدى مينيستر.
ايتا كەتسەك, اقان ساتاەۆ بۇل قىزمەتكە 2020 جىلدىڭ شىلدەسىندە تاعايىندالعان ەدى.
