پرەزيدەنت • 27 قىركۇيەك، 2022

شىمكەنتتە وقۋشىلار سارايى مەن جاڭا پەرزەنتحانا سالىنادى

70 رەت كورسەتىلدى

مەملەكەت باسشىسى قاسىم-جومارت توقاەۆ شىمكەنت جۇرتشىلىعى الدىندا سويلەگەن سوزىندە بيىلعى جىل «بالالار جىلى» دەپ جاريالانعانىن ەسكە سالدى، دەپ حابارلايدى Egemen.kz.

مەملەكەت باسشىسى الەۋمەتتىك ينفراقۇرىلىمدى دامىتۋ ماسەلەسىن قوزعاپ، شىمكەنتتە بيىل ستۋدەنتتەر سارايى مەن بالالار شىعارماشىلىق ورتالىعى سالىناتىنىن اتاپ ءوتتى.

«دەموگرافيالىق ءوسىمدى ەسكەرە وتىرىپ، اكىمدىككە 2025 جىلعا قاراي تاعى ءبىر وقۋشىلار سارايىن سالۋدى تاپسىرامىن. شىمكەنتتە بەس جىل ىشىندە 101 مەكتەپ سالۋ جوسپارلانعان. بۇل ماڭىزدى ىسكە بيزنەس وكىلدەرى بەلسەندى اتسالىسۋدا»، دەدى قاسىم-جومارت توقاەۆ.

پرەزيدەنتتىڭ ايتۋىنشا، سوڭعى ەكى جىلدا قالادا 50 جەكە مەكتەپ اشىلدى.

ء«وڭىر كاسىپكەرلەرى ءبىلىم بەرۋ جۇيەسىنىڭ دامۋىنا ۇلكەن ۇلەس قوسۋدا. الداعى جىلى اكىمدىك ءۇش اۋىسىمدى مەكتەپتەر ماسەلەسىن تولىعىمەن شەشۋى ءتيىس»، دەپ قوستى پرەزيدەنت. 

مەملەكەت باسشىسى دەنساۋلىق ساقتاۋ سالاسىنداعى احۋالعا دا توقتالىپ، شىمكەنتكە زاماناۋي ستاندارتتارعا ساي كەلەتىن پەرزەنتحانا قاجەت ەكەنىن ايتتى.

«وسىعان بايلانىستى ۇكىمەت پەن اكىمدىكتىڭ الدىنا پەرزەنتحانا قۇرىلىسىن جەدەلدەتۋ مىندەتى قويىلدى»، دەپ جازادى پرەزيدەنتتىڭ ءباسپاسوز قىزمەتى.

سوڭعى جاڭالىقتار

ۇمىتىلماس تاريحي ءسات

پىكىر • بۇگىن، 07:43

باتىل كوزقاراس، بايىپتى جول

پىكىر • بۇگىن، 07:42

ەل سەنىمىن ارتتىرعان

پىكىر • بۇگىن، 07:41

قاپىسىز حالىق قالاۋى

پىكىر • بۇگىن، 07:40

شاعىن بيزنەستىڭ شاراپاتى

بيزنەس • بۇگىن، 07:39

ساپالى ينتەرنەت قولجەتىمدى

قوعام • بۇگىن، 07:35

ۇقساس جاڭالىقتار