جاڭا زاۋىت تاۋلىگىنە 100 تەكشە بلوك شىعارادى دەپ كۇتىلۋدە. الداعى ۋاقىتتا جىلىنا 1,5 ملن. ءونىم وندىرەتىن قۋاتتىلىققا شىعۋ جوسپارلانىپ وتىر. مۇندا 30 جۇمىس ورنى اشىلعان, ال جالپى ينۆەستيتسيا كولەمى - 200 ملن تەڭگەنى قۇرايدى.
«BARS TECHNOLODGIES» زاۋىتىنىڭ ديرەكتورى يرينا حاننىڭ ايتۋىنشا, بۇل - كومپانيانىڭ «تالدىقورعان» يندۋستريالدى ايماعىندا اشىپ وتىرعان ەكىنشى نىسانى.
ء«بىزدىڭ العاشقى زاۋىتىمىز 2017 جىلدان بەرى تابىستى جۇمىس ىستەپ كەلەدى, وندا ساعاتىنا 200 تەكشە بەتون شىعارىلادى. كاسىپورىندا 40 ادام جۇمىس ىستەيدى. گاز بلوك وندىرەتىن كاسىپورىن سالۋ دايىندالعان بيزنەس-جوسپاردىڭ جالعاسى بولاتىن. ازىرگە 30 ادامدى جۇمىسپەن قامتىپ وتىرمىز. ءونىم شىعارۋ كولەمىن ارتتىرعان كەزدە 80 ادامعا دەيىن جۇمىسقا تارتامىز, ينۆەستيتسياى كولەمىن 800 ملن تەڭگەگە دەيىن ۇلعايتامىز دەگەن جوسپارىمىز بار», دەپ اتاپ ءوتتى ول.
كاسىپورىن ءوزىنىڭ العاشقى تاپسىرىستارىن قابىلداپ ۇلگەردى, قازىر ولاردا شىعارىلعان جوعارى ساپالى قابىرعا بلوكتارى وبلىس ورتالىعىنداعى كوپ قاباتتى ۇيلەردى سالۋدا قولدانىلا باستادى.
