پىكىر • 27 قىركۇيەك، 2022

جاۋاپكەرشىلىك بارىمىزگە جۇكتەلەدى

115 رەت كورسەتىلدى

پرەزيدەنتتىڭ 1 قىركۇيەكتەگى جولداۋىندا جاڭا قازاقستانداعى مەملەكەتىمىزدىڭ ەكونوميكاسى مەن الەۋمەتتىك ماسەلەلەرىنە ەرەكشە ءمان بەرىلىپ وتىر. قازاقستاننىڭ الەمدىك گەوساياسي ۇدەرىستەرگە قوسىپ جاتقان ۇلەسى بارشاعا بەلگىلى.

كەز كەلگەن ەل ءوزىنىڭ تابيعي بايلىقتارىن دۇرىس پايدالانا ءبىلۋى قاجەت. ەلىمىزدە وزەن-كولدەرمەن قاتار كاسپي تەڭىزى دە جاتىر. كاسپي تەڭىزىن قورشاپ جاتقان بەس مەملەكەتتىڭ قاتارىندامىز. بۇل جاعدايدى دا ەسكەرگەن پرەزيدەنت ترانس­كاسپي حالىقارالىق كولىك باعى­تىنىڭ ماڭىزدىلىعى تۋرا­لى ءسوز قوزعاپ، ونى ءارى قاراي دامى­تىپ، جاھاندىق لوگيستيكا كومپانيالارىنىڭ ورتاق ىسكە قوسىلۋى تۋرالى ايتتى.

ماڭىزدى قۇجاتتا كوتەرىلگەن ماسەلەنىڭ ءبىرى – اۋىل شارۋا­شىلىعىن دامىتۋ. بۇل سالادا ءبىراز جۇمىس اتقارىلدى. قولعا الىنعان اۋقىمدى ءىس-شارالارعا دا كوپ ۋاقىت ءوتتى. الايدا وكى­نىش­كە قاراي، اۋىز تولتىرىپ اي­تا­تىنداي ناتيجەلەردى كەيدە كورە المايمىز. اۋىل شارۋا­شى­لىعى مەملەكەتىمىز ءۇشىن ارقاشاندا ماڭىزدى سالا بولىپ قالا بەرەدى. ويتكەنى بۇل سەكتوردىڭ تۇراق­تى دامۋى ازىق-ت ۇلىك قاۋىپسىزدىگى­نە تىكەلەي اسەر ەتەتىنى تۋرالى مەم­لەكەت باسشىسى ءجيى ايتىپ ءجۇر. وسىعان وراي اۋىل حالقىنا بولىنەتىن سۋبسيديالار قايتا قارالىپ، جاڭا باعدارلامالار جاساۋعا جول اشىلدى.

قۇجاتتا ەرەكشە ماڭىز بەرىلگەن تاعى ءبىر باعىت – زاڭ جانە ءتارتىپ. مەملەكەتتىلىكتىڭ ەڭ باستى ستاندارتتارىنىڭ ءبىرى زاڭ ۇستەمدىگى بولسا، قوعامدا ورنايتىن ءتارتىپ تۇراقتىلىق پەن قاۋىپسىزدىكتىڭ كەپىلى بولىپ سانالادى. ب.مومىش ۇلى مۇنى «تارتىپكە باس يگەن قۇل بولمايدى» دەپ كەسىپ ايتىپ كەتكەن. قازاق جەرىندە زاڭ جارعىلارى ەجەلدەن قاراستىرىلعان. سوناۋ تۇركى زامانىندا تاسقا جازىلعان بىتىك جازۋلارىنا زەر سالساق، دامى­عان ورتا عاسىرلاردا ءجۇسىپ بالاساعۇن جازعان «قۇتتى بىلىكتە» مەملەكەتتەگى ەڭ باستى ماسەلەلەردىڭ ءبىرى رەتىن­دە زاڭ مەن ءتارتىپ ايتىلادى. مۇن­داي كوزقاراستاردى ءال-فارابي بابامىزدىڭ ەڭبەكتەرىنەن دە كوپ كەزدەستىرۋگە بولادى. بۇل تەمىردەي ءتارتىپ ودان كەيىنگى التىن وردا، شاعاتاي ۇلى­سى جانە موڭعول مەملەكەتىن­دە دە ساقتالدى. ال التىن وردانىڭ ءىزباسارى بولاتىن قازاق حاندىعىنداعى قاسىم حاننىڭ «قاسقا جولى»، ەسىم حاننىڭ «ەسكى جولى»، تاۋكە حاننىڭ «جەتى جارعىسى» – حح عاسىردىڭ باسىنداعى زاڭدار جيناعى تاۋەلسىزدىك جىلدارى قۇراستىرىلعان زاڭدارىمىزدىڭ قاينار كوزى دەۋگە بولادى.

جوعارىدا قوزعالعان ماسەلە­لەردى ءارى قاراي دامىتۋ حالىققا جۇكتەلەدى. ويتكەنى ءبىر جاعادان باس، ءبىر جەڭنەن قول شىعارىپ، جاۋاپكەرشىلىكتى جۇمىلا كوتەرگەندە عانا ادىلەتتى قازاق­ستاندى بىرگە قۇرا الامىز.

 

انار بايماعامبەتوۆا،

قولجازبالار جانە سيرەك كىتاپتار ۇلتتىق ورتالىعىنىڭ ءبولىم باسشىسى

سوڭعى جاڭالىقتار

قىرعىزدىڭ وڭىندەي...

ونەر • بۇگىن، 08:35

تاعى دا تاريف تۋرالى

ايماقتار • كەشە

قولدان شاپقان قوبىز

رۋحانيات • كەشە

كۇلاندا اپا

ەڭ قىسقا اڭگىمە • كەشە

الاش ات تاريحى

قوعام • كەشە

ءبىر ولەڭنىڭ تاريحى

ادەبيەت • كەشە

سۇلتانماحمۇت جەڭىسى

ادەبيەت • كەشە

دالا مەن دارىن

تاريح • كەشە

ۇقساس جاڭالىقتار