جاھاندىق ساياساتتىڭ كۇردەلى كەزەڭىندە پرەزيدەنتتى دەموكراتيالىق جولمەن سايلاۋ حالىقتى مەملەكەتشىلدىك مۇددەگە ىنتىماقتاستىرۋعا جانە بىرىكتىرۋگە باعىتتالعان. سايلاۋ ەلىمىزدە جۇزەگە اسىرىلعان كونستيتۋتسيالىق رەفورمالاردىڭ قورىتىندىلارىن بەكىتەدى جانە الەۋمەتتىك-ەكونوميكالىق سالاداعى رەفورمالاردى جالعاستىرىپ, ناتيجەلەرىن ايقىندايدى.
پرەزيدەنتتىڭ كەزەكتەن تىس سايلاۋى تۋرالى مەملەكەت باسشىسى 1 قىركۇيەكتەگى جولداۋىندا مالىمدەدى. ال جارلىققا ءبىر ايعا جۋىق ۋاقىت وتكەندە قول قويىلدى. بارلىق ساياسي كۇشتىڭ سايلاۋعا دايىندالۋىنا, قوعامدىق تالقىلاۋ وتكىزۋگە جانە الدىن الا ستراتەگيالارىن ايقىنداۋىنا ۋاقىت جەتكىلىكتى بولدى دەپ سانايمىن. ال بۇعان دەيىنگى ساياسي ءداستۇر بويىنشا كەزەكتەن تىس سايلاۋدىڭ ۋاقىتىن جاريالاۋ مەن جارلىققا قول قويۋ ءبىر كۇندە بولاتىن. سونىمەن قاتار پرەزيدەنت الداعى پارلامەنت سايلاۋىنىڭ ۋاقىتىن كەم دەگەندە التى اي بۇرىن ايتىپ وتىر. بارلىق ساياسي كۇشتەردىڭ الداعى پارلامەنت جانە ءماسليحاتتار سايلاۋلارىنا دايىندالۋىنا جەتكىلىكتى ۋاقىتى بار.
قازىرگى حالىقارالىق جانە وڭىرلىك قاقتىعىستاردى ەسكەرە وتىرىپ, اسىرەسە پوستكەڭەستىك كەڭىستىكتە ورىن الىپ جاتقان جاعدايلاردا مەملەكەتتىلىگىمىزدى نىعايتۋ ەرەكشە وزەكتى. دەموكراتيالىق جولمەن ورنىققان ساياسي جۇيە ينستيتۋتتارىن ترانسفورماتسيالاۋ – قازاقستاننىڭ الەۋمەتتىك-ەكونوميكالىق الەۋەتىن ارتتىرۋعا مۇمكىندىك. پرەزيدەنت سايلاۋى – حالىق بىرلىگىن نىعايتۋعا, ازاماتتىق قوعامدى جانە بيلىكتى ۇيلەسىمدى ارەكەت ەتۋگە ىقپالداستىرادى.
دەموكراتيالىق جانە ورنىقتى جاڭا ساياسي مەملەكەتتىك باسقارۋ ينستيتۋتتارىن قالىپتاستىرۋ – ەلىمىزدىڭ تۇراقتىلىعىن جانە تۇتاستىعىن, ونىڭ سىرتقى جانە ىشكى سىن-قاتەرلەرگە مويىماي, توتەپ بەرۋىن ارتتىرادى.
جۇلدىز سۇلەيمەنوۆا,
ءماجىلىس دەپۋتاتى
