وبلىستىق كاسىپكەرلىك جانە تۋريزم باسقارماسىنىڭ باسشىسى نۇربول جاڭابەكوۆتىڭ مالىمەتىنە سۇيەنسەك, بيىل تۋريزم سالاسىنا تسيفرلاندىرۋدى ەنگىزۋ ماقساتىندا 6 ەسكەرتكىشكە QR-كود ورناتىلدى. سونداي نىسانداردىڭ قاتارىندا سارايشىق قالاشىعى, سارايشىق مۋزەي قورىعى, قازاقتىڭ كۇي اناسى اتانعان دينا نۇرپەيىسوۆا, اسكەري ۇشقىش, حالىق قاھارمانى حيۋاز دوسپانوۆا, ءانۇران اۆتورى, مەملەكەتتىك سىيلىقتىڭ لاۋرەاتى, اقىن جۇمەكەن ناجىمەدەنوۆ, قيىن كەزدە ءوڭىر تۇرعىندارى ازىق رەتىندە قولدانعان قۇمارشىق وسىمدىگىنە قويىلعان ەسكەرتكىش بار. ەندى كەز كەلگەن ادام, ونىڭ ىشىندە وڭىرگە ساياحاتتاپ كەلگەن تۋريستەر QR-كود ارقىلى اتالعان ەسكەرتكىشتەر تۋرالى 5 تىلدە اقپارات الۋىنا بولادى. ءتىپتى ەسكەرتكىشتەردىڭ 3D كورىنىسىن تاماشالاۋعا مۇمكىندىك جاسالىپ وتىر. بۇل ءۇشىن «تarihi jol» قوسىمشاسىن جۇكتەۋ قاجەت. QR-كودتا ەسكەرتكىشتەردىڭ قاي جىلى ورناتىلعانى, تاريحى تۋرالى تولىق اقپارات جازىلعان.
– ەكى جىل بۇرىن اتىراۋ وبلىسىندا تۋريزم سالاسىنداعى ينۆەستيتسيا كولەمى 20,5 ملرد تەڭگەنى قۇراعان ەدى. ال بىلتىرعى ينۆەستيتسيا 27,5 ملرد تەڭگەنى قۇراپ, الدىڭعى جىلمەن سالىستىرعاندا 34,15%-عا ارتتى. وتكەن جىلى ىشكى جانە كىرۋ ءتۋريزمى بويىنشا 46 مىڭ 200 ادامعا 1 ملرد 675 ملن تەڭگەنىڭ قىزمەتى كورسەتىلدى. وبلىستا وسى سالادا قىزمەت كورسەتەتىن 40-تان استام تۋريستىك مەكەمە مەن 106 ورنالاستىرۋ ورنى بار, – دەيدى نۇربول جاڭابەكوۆ.
ونىڭ ايتۋىنشا, 2021-2025 جىلدارعا ارنالعان اتىراۋ وبلىسىنىڭ الەۋمەتتىك-ەكونوميكالىق دامۋىنىڭ كەشەندى جوسپارىنا سايكەس 10,8 ملرد تەڭگەنىڭ 9 ينۆەستيتسيالىق جوباسىن جۇزەگە اسىرۋ قولعا الىندى. بۇل جوبالاردا 338 جۇمىس ورنىن اشۋ جوسپارلانعان. ماسەلەن, «سارايشىق» ۆيزيت ورتالىعىنىڭ قۇرىلىسى بيۋدجەت ەسەبىنەن قارجىلاندىرىلسا, 8 جوبا جەكە ينۆەستيتسيا ەسەبىنەن ىسكە اسىرىلىپ جاتىر.
– كەشەندى جوسپارداعى 9 جوباعا «نۇرلى تال» ەتنوپاركى, «Keremet park» اتتراكتسيونى مەن بەلسەندى وتباسىلىق دەمالىس پاركى, «سارايشىق» ۆيزيت-ورتالىعى, «ەلدورادو» دەمالىس بازاسى, يندەر اۋدانىنداعى تۇزدى كول جاعالاۋىنداعى شيپاجاي-ساۋىقتىرۋ كەشەنى, قۇرمانعازى اۋدانىنداعى تۋريستىك بالىق اۋلاۋ بازاسى مەن «قيعاش» تۋريستىك بازاسىن قايتا جاڭعىرتۋ, يساتاي اۋدانىنداعى «AMANDYQ», ماقات اۋدانىنداعى كەمپينگ كىرەدى, – دەيدى وبلىستىق كاسىپكەرلىك جانە تۋريزم باسقارماسىنىڭ باسشىسى نۇربول جاڭاباەۆ.
قازىر 4 جوبا ىسكە قوسىلعان. بۇلار – «نۇرلى تال» ەتنوپاركى, قۇرمانعازى اۋدانىنداعى ەكى تۋريستىك-دەمالىس بازاسى مەن ماقات اۋدانىنداعى اشىلعان كەمپينگ.
اتىراۋ وبلىسى
