دۇنيەجۇزىنىڭ 24 قۇراماسى باق سىناپ جاتقان الەم بىرىنشىلىگىندە قازاقستاندىق ۆولەيبولشىلار «س» توبىندا اقش, سەربيا, گەرمانيا, بولگاريا جانە كانادا وكىلدەرىمەن سىنعا ءتۇسىپ جاتىر. جەرلەستەرىمىز ءبىرىنشى تۋردا بىلتىرعى توكيو وليمپياداسىندا توپ جارعان اقش قۇراماسىمەن كەزدەسىپ, 3:0 ەسەبىمەن جەڭىلىپ قالدى. قازاقستاندىق قىزدار العاشقى كەزەڭدە قارسىلاستارىنا 16:25 ەسەبىمەن جول بەرسە, كەيىنگى ەكى سەتتە 13:25 جانە 12:25 ەسەبىمەن ۇتىلىپ قالدى. جاھاندىق دوداعا وسىمەن بەسىنشى مارتە قاتىسىپ جاتقان قازاقستان قۇراماسى كەيىنگى كەزدەسۋىن بۇگىن گەرمانيامەن وتكىزەدى. الەم بىرىنشىلىگى 15 قازان كۇنى مارەسىنە جەتەدى.
