كەلىسسوزدەر بارىسىندا ەكونوميكانىڭ ءتۇرلى سالالارىنداعى ەكىجاقتى ىنتىماقتاستىقتىڭ وزەكتى ماسەلەلەرى كوتەرىلدى. قازاقستان تاراپىنان كوتەرىلگەن ەڭ ماڭىزدى ماسەلەلەردىڭ ءبىرى – «استراحان-ماڭعىشلاق» سۋ تاراتقىشىن قايتا قۇرۋ جوباسى, رف-عا بولات ونىمدەرىن جەتكىزۋ, قازاقستاندىق كومىر مەن تەمىر كەنى شيكىزاتىنىڭ ءترانزيتى, سونداي-اق قازاقستانعا تاۋارلاردى كەدەرگىسىز جەتكىزۋ كەزىندەگى شەكتەۋلەر. بارلىق ماسەلە بويىنشا كەزدەسۋگە قاتىسۋشىلار ولاردى پىسىقتاۋ جانە جەدەل شەشۋ ءۇشىن تىعىز ءوزارا ىنتىماقتاستىققا دايىن ەكەندەرىن ءبىلدىردى.
تاراپتار ەكى ەل اراسىنداعى ءوزارا ساۋدانىڭ وڭ ديناميكاسىن دا اتاپ ءوتتى. 2022 جىلعى قاڭتار-شىلدەدە قازاقستان مەن رەسەي اراسىنداعى تاۋار اينالىمى 13,7 ملرد دوللاردى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 3,5%-عا جوعارى (13,2 ملرد).
