وقيعا • 25 قىركۇيەك، 2022

الماتىداعى مارافون كەزىندە قايعىلى جاعداي بولدى

55 رەت كورسەتىلدى

47 جاستاعى 10 كم قاشىقتىعىن جۇگىرگەن رۇستەم سادىقوۆ مارە سىزىعىن كەسىپ وتكەننەن كەيىن قايتىس بولدى، دەپ حابارلايدى Egemen.kz مارافوندى ۇيىمداستىرۋشىلار كوميتەتىنە سىلتەمە جاساپ.

ء«بىز وعان بىردەن كومەك كورسەتە باستادىق. العاشقى كومەكتى قىزىل جارتى اي قوعامىنىڭ ەرىكتىلەرى كورسەتە باستادى، ءارى قاراي جۇرەك-وكپە رەانيماتسياسى قالالىق جەدەل جاردەم ستانتسياسىنىڭ قىزمەتكەرلەرىمەن بىرگە جۇرگىزىلدى.  باستاپقىدا جۇرەك جۇمىسى قالپىنا كەلتىرىلگەن، سينۋس ىرعاعى پايدا بولدى، 2 مينۋتتان كەيىن جۇرەك ۇستاماسى قايتا باستالدى. رەانيماتسيالىق شارالار 30 مينۋتقا سوزىلدى، ونىڭ ىشىندە سوڭعى 10 مينۋت جەدەل جاردەمدە جۇرگىزىلدى. سوعان قاراماستان رۇستەم سادىقوۆ ساعات 10:15-تە قايتىس بولدى. رەسمي سەبەبىن سوت-مەديتسينالىق ساراپتاما جۇرگىزىلگەننەن كەيىن عانا اتاۋعا بولادى»، دەدى جارىستىڭ باس دارىگەرى، و. ساحوۆ.

مارقۇمنىڭ جاقىندارىنىڭ ايتۋىنشا، ول جۇگىرۋ شاراسىنا ءبىرىنشى رەت قاتىسىپ وتىرعان جوق. ول ءساۋىر ايىندا الماتى جارتىلاي مارافونىندا، 2021 جىلى الماتى مارافونىندا 10 كم قاشىقتىقتا جۇگىرگەن.

جارىستى ۇيىمداستىرۋشىلار مارقۇمنىڭ تۋىستارى مەن جاقىندارىنا كوڭىل ايتتى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار