وقيعا • 24 قىركۇيەك، 2022

پاۆلوداردا جوعالعان بالا تابىلدى

80 رەت كورسەتىلدى

پاۆلوداردا قىزمەتتىك يت جوعالعان بالانى تاپتى، دەپ حابارلايدى Egemen.kz.
 

24 قىركۇيەك ساعات 17:31-دە پاۆلودار قالاسىنىڭ «102» وپەراتورىنىڭ پۋلتىنە بوكەيحان كوشەسىندەگى 265-ءۇيدىڭ اۋلاسىندا سويلەمەيتىن 4 جاسار بالانىڭ جوعالعانى تۋرالى قوڭىراۋ تۇسكەن.

«اتالعان مەكەن جايعا دەرەۋ پوليتسيا قىزمەتكەرلەرى، سونداي-اق ينسپەكتور-كينولوگ تالعات اۋباكىروۆ ءوزىنىڭ نيكا اتتى قىزمەتتىك-ىزدەستىرۋ يتىمەن جىبەرىلدى. بۇل فاكتى بويىنشا جەكە قۇرام، بارلىق اۆتوپاترۋلدەر مەن جاياۋ ناريادتار حاباردار بولدى. سونىمەن قاتار كوشەدەگى بەينەباقىلاۋ كامەرالارى قارالدى. قىزمەتتىك يتكە ءىز الۋ ءۇشىن بالانىڭ زاتتارى بەرىلدى. بىرنەشە مينۋتتان كەيىن ءىز العان نيكا قىزمەتكەرلەردى 1-ءشى قايىق بەكەتىنە الىپ كەلدى، جوعالعان قىز سول جەردەگى قايىقتاردىڭ بىرىنەن تابىلىپ، اناسىنا تاپسىرىلدى»،  دەپ حابارلادى پاۆلودار وبلىستىق پوليتسيا دەپارتامەنتىنىڭ ءباسپاسوز قىزمەتى.

قىزدىڭ ءوزى قايىققا تىعىلىپ، ويناپ وتىرعانى بەلگىلى بولدى. اناسىنىڭ ايتۋىنشا، دەمالىس كۇندەرى بولعان سوڭ نەمەرەلەرىن اتا-اجەسىنە قوناققا اكەلگەن. تورتەۋى دە ءۇيدىڭ اۋلاسىندا ويناپ جۇرگەن. ساعات 16:45 شاماسىندا اجەسى نەمەرەلەرىن ۇيگە شاقىرعاندا 4 جاسار نەمەرەسىنەن باسقالارىنىڭ ءبارى كەلگەن. شامامەن 40 مينۋت ىشىندە تۋىستارى قىزدى ىزدەپ، تابا الماعان سوڭ پوليتسياعا جۇگىنگەن.

  

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار