قازاقستان • 24 قىركۇيەك، 2022

قازاقستان «يىۇ-15» توبىن قۇرۋ جونىندە باستاما كوتەردى

63 رەت كورسەتىلدى

قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ءادىل تۇرسىنوۆ بۇۇ باس اسسامبلەياسىنىڭ 77-ءشى سەسسياسى اياسىندا وتكەن يسلام ىنتىماقتاستىعى ۇيىمىنا (يىۇ) مۇشە مەملەكەتتەردىڭ جىل سايىنعى ۇيلەستىرۋ كەزدەسۋىنە قاتىستى، دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.

ءىس-شارا بارىسىندا يسلام الەمىن دامىتۋدىڭ وزەكتى ماسەلەلەرى مەن پەرسپەكتيۆالارى قارالدى. ەكونوميكا، ساۋدا، كولىك، مادەنيەت، عىلىم جانە تەحنولوگيالار، تۋريزم جانە دەنساۋلىق ساقتاۋ، اقپاراتتىق تەحنولوگيالار، سۋ رەسۋرستارى، قورشاعان ورتا جانە كليماتتىڭ وزگەرۋى سالالارىنداعى ىنتىماقتاستىقتى دامىتۋ ماسەلەلەرى بويىنشا پىكىر الماسۋ ءوتتى.

قازاقستاندىق ديپلومات حالقى مۇسىلمان ەلدەردىڭ ماسەلەلەرىنە يىۇ بەلسەندى قاتىسۋى ءتيىس دەگەن پايىمىن ءبىلدىردى. سونداي-اق عىلىم مەن تەحنولوگيا سالاسىنداعى 15 جەتەكشى مۇسىلمان ەلىن بىرىكتىرەتىن «يىۇ-15» توبىن قۇرۋ جونىندەگى قازاقستاندىق باستامانىڭ وزەكتىلىگىن جانە ازىق-ت ۇلىك قاۋىپسىزدىگى جونىندەگى يسلام ۇيىمىنىڭ ءرولىنىڭ وسكەنىن اتاپ ءوتتى.

 

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار