ساراپشىلار رەفەرەندۋم ناتيجەلەرىن بەكىتۋ ماقساتىندا پرەزيدەنتتىك, پارلامەنتتىك جانە ماسليحاتتىق مانداتتاردى جاڭارتۋ ماڭىزدى ەكەنىن دە اتاپ ءوتتى. سوندىقتان ساراپشىلار قوعامداستىعى ءۇشىن دە, ساياسي توپتار ءۇشىن دە سايلاۋ بولجامدى قادام بولدى.
الداعى كەزەكتەن تىس پرەزيدەنت سايلاۋىن وسى ۋاقىتقا دەيىن ەلىمىزدە قابىلدانعان ساياسي رەفورمالاردى جۇزەگە اسىرۋدىڭ تەتىگى دەپ ايتۋىمىزعا تولىق نەگىز بار. ويتكەنى ازاماتتار سايلاۋعا قاتىسۋ ارقىلى ەلىمىزدىڭ ساياسي جاڭعىرۋىنا, جاڭا دەموكراتيالىق مودەلگە كوشۋىنە قولداۋ بىلدىرەدى.
سايلاۋ ساياسي پروتسەسس رەتىندە بىرقاتار ماڭىزدى فۋنكتسيانى اتقارادى. بىرىنشىدەن, سايلاۋ بيلىك ورگاندارىن قالىپتاستىرۋدىڭ دەموكراتيالىق ءتاسىلى رەتىندە ساياسي رەجىم مەن سەنىمدى زاڭداستىرۋدىڭ قۇرالى عانا ەمەس, سونىمەن قاتار ازاماتتاردىڭ ساياسي بەلسەندىلىك تانىتۋىنىڭ, ولاردىڭ سۇرانىستارىن, مۇددەلەرىن, قوعامدىق شوعىرلانۋىن, بيلىكتىڭ ازاماتتارمەن كەرى بايلانىسىن قامتاماسىز ەتۋدىڭ جانە ساياسي مادەنيەتتى قالىپتاستىرۋ مەن دامىتۋدىڭ, ساياسي ومىرگە قاتىسۋ داعدىلارىن يگەرۋدىڭ ماڭىزدى قۇرالى.
ەكىنشىدەن, سايلاۋ – ازاماتتاردى تولعاندىراتىن سۇراقتار مەن ماسەلەلەردى شەشۋدىڭ جاڭا ماقساتتارى مەن باعدارلامالارىن ۇسىنۋدىڭ, جالپى الەۋمەتتىك-ەكونوميكالىق, ساياسي باعىتتى ورنىقتىرۋ ءتاسىلى. سوندىقتان الداعى سايلاۋ حالىقتى بىرىكتىرۋگە باعىتتالعان. جالپى الەمدىك ترەندتەردى نازارعا الاتىن بولساق, ازاماتتارعا الداعى جولدىڭ باعدارى مەن ناقتى جوسپارلاردى ايقىن ءتۇسىنۋ قاجەت. سايلاۋ كونستيتۋتسيالىق رەفورمالاردىڭ جەتىستىكتەرىن بەكىتىپ قانا قويماي, باسقا سالالارداعى رەفورمالاردى جالعاستىرۋ مەن كۇشەيتۋ ءۇشىن قاجەتتى ۋاقىت پەن سەنىم مانداتىن بەرەدى. ەڭ ءبىرىنشى كەزەكتە الەۋمەتتىك جانە ەكونوميكالىق سالالاردا.
جالپى سايلاۋ قوعامدىق ومىرگە بەلگىلى ءبىر تسيكلدىك سيپات بەرىپ, ءجۇرىپ وتكەن جولدى قورىتىندىلاپ, بولاشاققا نازار اۋدارۋعا مۇمكىندىك جاسايدى.
الۋا جولدىبالينا,
پرەزيدەنت جانىنداعى قسزي
ديرەكتورىنىڭ ورىنباسارى
