پىكىر • 23 قىركۇيەك، 2022

بولاشاققا جاسالعان نىق قادام

72 رەت كورسەتىلدى

الداعى پرەزيدەنت سايلاۋى – كونستيتۋتسيالىق رەفورمانىڭ زاڭدى جالعاسى. اتا زاڭىمىزدىڭ شامامەن ۇشتەن ءبىرى جاڭارتىلدى. وسىلايشا پرەزيدەنت جاريالاعان ساياسي ترانسفورماتسيانى جۇزەگە اسىرۋ باستالدى. سوندىقتان بۇل ساياسي ينستيتۋتتاردى قايتا ىسكە قوسۋ ءۇشىن كەزەكتەن تىس پرەزيدەنت، پارلامەنت جانە ءماسليحات سايلاۋىن وتكىزۋ قاجەت.

ەكىنشى جاعىنان، كۇردەلى گەوسايا­سي جاعدايدا قازاقستان قوعامىنا ەل دامۋىنىڭ ناقتى ستراتەگيالىق باعىتىن كورسەتۋ كەرەك. بۇل تۇرعى­دا سايلاۋدىڭ ماڭىزى ەرەكشە. بىرىن­شى­دەن، سايلاۋ قازاقستان حالقىن، ازا­ماتتىق قوعامدى دەموكراتيالىق قايتا قۇرۋ يدەياسىنىڭ توڭىرەگىندە بىرىكتىرەدى. كامەلەتكە تولعان ءاربىر ازامات ءۇشىن سايلاۋ – ساياساتتى قا­لىپ­تاستىرۋعا قاتىسۋ قۇقىعىن جۇ­زەگە اسىرۋ، سونداي-اق بەلسەندى ازا­ماتتىق ۇستانىمدى كورسەتۋ مۇم­كىن­دىگى.

ەكىنشىدەن، ساياسي بىرلەستىكتەر مەن ولاردىڭ جەتەكشىلەرى ۇلتتىق اۋقىمدا ەلدىڭ دامۋى تۋرالى ءوز كوزقاراسىن ۇسىنۋعا، بارشا حالىقتىڭ ءومىرىن جاق­سار­تۋدىڭ يدەيالارى مەن تەتىكتەرىن تالقىلاۋعا مۇمكىندىك الادى. بەلسەندى قوعامدىق بىرلەستىكتەرگە ستاندارتتى ەمەس تۇجىرىمدامالاردى، جاڭا تا­سىل­دەر مەن شەشىمدەر ۇسى­نۋ­دىڭ ءساتى كەلدى.

سايىپ كەلگەندە، ءدال قازىر سايلاۋ بىزگە ادىلەتتى قازاقستاندى قۇرۋ جولىندا ساياسي ينستيتۋتتار مەن را­سىم­دەردى دەموكراتيالىق تۇر­لەن­دى­رۋ­دىڭ باعىتىن بەلگىلەۋگە جول اشىپ وتىر. نەگىزگى ساياسي ينستيتۋتتار اپروباتسيا­دان سايلاۋ ارقىلى وتەدى.

وسىلايشا، الداعى سايلاۋ ساياسي رەفورمالاردى دايەكتى جۇزەگە اسىرۋ عانا ەمەس، سونىمەن قاتار قازىرگى كۇردەلى تاريحي كەزەڭدە قوعامدى توپتاستىرۋ جانە بيلىك ينس­تيتۋتتارىنىڭ بەدەلىن جاڭارتۋ مۇم­كىن­دىگىنە اينالىپ وتىر.

 

گۇلميرا تۇقانوۆا،

پرەزيدەنت جانىنداعى قسزي اعا عىلىمي قىزمەتكەرى

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار