قوعام • 23 قىركۇيەك، 2022

زەرگەرلىك بۇيىمداردى تاسىمالداۋ باقىلانادى

44 رەت كورسەتىلدى

يندۋستريا جانە ينفراقۇرىلىمدىق دامۋ مينيسترلىگىنىڭ «اشىق ساعات الاڭى» جوباسى اياسىنداعى كەزەكتى جيىندا اسىل تاستار مەن زەرگەرلىك بۇيىمداردى ەكسپورتتاۋ مەن يمپورتتاۋداعى ءتۇرلى كەدەرگىلەر تالقىلاندى. بەينەبايلانىس رەجىمىندە ۇيىمداستىرىلعان باسقوسۋعا ۆەدومستۆونىڭ جاۋاپتى وكىلدەرى، سىناق پالاتالارىنىڭ قىزمەتكەرلەرى جانە قازاقستاندىق زەرگەرلىك بۇيىمداردى وندىرۋشىلەر مەن وتكىزۋشىلەر قاتىستى.

جيىندا اتالعان ۆەدومستۆو­نىڭ يندۋستريالىق دامۋ كوميتەتى توراعاسىنىڭ ورىنباسارى تۇرار جولماعامبەتوۆ قىمبات مەتالدار مەن تاستاردان جاسالعان بۇيىمداردى اكەلۋگە نەمەسە اكەتۋگە بايلانىستى مەملەكەتتىك باقىلاۋ اكتىلەرىن بەرۋ ءتارتىبى جونىندە باياندادى.

الماتى – اسىل تاستار مەن زەرگەرلىك بۇيىمدار تاسىمالداناتىن جانە ىشكى نارىققا اكەلىنەتىن ەلىمىزدەگى باستى ورتالىق. وسى­عان وراي يندۋستريالىق دامۋ كوميتەتى بۇل تاراپتاعى مەملە­كەت­تىك باقىلاۋدى وڭتۇستىك مەگاپوليستەگى كەدەن بەكەتتەرى ارقىلى جۇزەگە اسىرادى.

ءوز كەزەگىندە كاسىپكەرلەر مەملەكەتتىك باقى­لاۋ پروتسەسى كوپ ۋاقىتتى الاتىن­دى­عىن ايتىپ، بۇل ماسەلەنى شەشۋدىڭ وڭ­تاي­لى ءارى ءتيىمدى جولىن قاراستىرۋدى ۇسىندى.

كوميتەت توراعاسى ورىن­باسارىنىڭ ايتۋىن­شا، فۋنكتسيالاردى ءبولۋ باعا­لى مەتالدار مەن اسىل تاستاردى ءوندىرۋ، زەرگەرلىك بۇيىمدارمەن وپەراتسيا­لاردى مەملەكەتتىك رەتتەۋدىڭ تيىمدى­ل­ى­­گىن ارتتىرۋعا ەلەۋلى سەپتىگىن تيگىزبەك. سونداي-اق بۇل تاراپتا جۇيەلى شەشىمدەر قابىلداۋعا جانە تۋىنداعان ماسەلەلەردى دەر كەزىندە ورىنداۋعا ىقپال ەتەدى.

باسقوسۋ بارىسىندا زەرگەرلىك ونىمدەر مەن اسىل تاستاردى كەدەندىك دەكلاراتسيا­لاۋدى «استانا-1» اقپاراتتىق جۇيەسى ارقىلى ەلەكتروندىق فورماتقا كوشىرۋ بويىنشا اتقارىلىپ جاتقان جۇمىستار دا باياندالدى.

بۇگىندە مينيسترلىك «قازاقتەلەكوم» اق-مەن بىرلەسىپ قۇندى مەتالداردان جاسالعان بۇيىمداردى سايكەستەندىرۋ قۇرالدارىمەن تاڭبالاۋ بو­يىن­شا قاناتقاقتى جوبانى جۇزەگە اسىرۋدا. بۇل جوبا قازاقستان­دىق زەرگەرلىك بيزنەستى قورعاۋعا باعىتتالعان.

جيىن سوڭىندا كاسىپكەرلەر زەرگەرلىك بۇيىمداردى سىنامالاۋ، تالداۋ جانە تاڭبالاۋ باعى­تىنداعى جۇمىستاردى جەتىل­دىرۋ بويىنشا ۇسىنىستارىن جەتكىزىپ، باعالى مەتالداردىڭ زاڭسىز اينالىمىنا توسقاۋىل قويۋ شارالارىن كۇشەيتۋ قاجەتتىگىن ايتتى. مينيسترلىك وكىلدەرى ىسكەر توپ وكىلدەرىنىڭ ۇسىنىس­تارى­نىڭ ەسكەرىلەتىنىن جانە ارنايى ساراپتاما جۇرگىزىلەتىنىن مالىمدەدى.

سوڭعى جاڭالىقتار

ءوڭىر جانە وركەنيەت

ساياسات • كەشە

اعا بۋىننىڭ قولداۋى

ساياسات • كەشە

ەسىمنەن كەتپەس ەساعاڭ

رۋحانيات • كەشە

بار ءۇمىت – بۋبليكتە

تەننيس • كەشە

وقىرماننىڭ رۋحاني ولجاسى

ەگەمەن قازاقستان • كەشە

ۇقساس جاڭالىقتار