2022 جىلدىڭ اقپان-مامىر ايلارىندا مەملەكەتتىك كىرىستەر ورگاندارى 10 ۋاكىلەتتى ەكونوميكالىق وپەراتورعا قاتىستى جوسپاردان تىس كوشپەلى كەدەندىك تەكسەرۋلەر جۇرگىزگەن بولاتىن.
كەدەندىك تەكسەرۋ ناتيجەلەرى بويىنشا 107,7 ملرد تەڭگە مولشەرىندە كەدەندىك تولەمدەر, سالىقتار مەن ءوسىمپۇلدار قوسىمشا ەسەپتەلدى. ۋاكىلەتتى ەكونوميكالىق وپەراتور تاۋارلاردىڭ كەدەندىك قۇنىن دۇرىس تومەندەتىپ كورسەتۋ ارقىلى كەدەندىك تولەمدەر مەن سالىقتاردى تولەۋدەن جالتارماق بولعان.
انىقتالعان بۇزۋشىلىقتار فاكتىلەرى بويىنشا مەملەكەتتىك كىرىستەر ورگاندارى پروكۋراتۋرا جانە سىبايلاس جەمقورلىققا قارسى قىزمەت ورگاندارىمەن بىرلەسىپ مەملەكەت بيۋدجەتىنە 59,5 ملرد تەڭگە مولشەرىندە كەدەندىك تولەمدەر, سالىقتار مەن ءوسىمپۇلدار سوماسىن ءوندىرىپ الدى. ونىڭ ىشىندە, ەرىكتى تۇردە تولەنگەنى - 56,9 ملرد تەڭگە, ماجبۇرلەپ ءوندىرىپ الۋ شارالارىنىڭ ناتيجەسىندە وندىرىلگەنى - 2,5 ملرد تەڭگە.
قازىر مەملەكەتتىك كىرىستەر ورگاندارى ۋاكىلەتتى ەكونوميكالىق وپەراتورلارعا جانە كەدەندىك تولەمدەر مەن سالىقتاردى تولەۋ بويىنشا ورتاق مىندەت اتقاراتىن كەدەن وكىلدەرىنە قاتىستى بەرەشەكتى ءوندىرىپ الۋ شارالارىن قابىلداۋ بويىنشا جۇمىستى جالعاستىرىپ جاتىر.
