«رەسەيلىكتەر بىزگە ىسساپارمەن نەمەسە تۋريزم ماقساتىندا كەلسە, ءبىز ولارعا شەكتەۋ قويا المايمىز. بۇل قازاقستاندىقتار دا رەسەيگە بارا الاتىنى سياقتى ءوزارا پروتسەسس. سوندىقتان ءبىز ونى شەكتەي المايمىز», دەدى ماۋلەن اشىمباەۆ پالاتانىڭ جالپى وتىرىسىندا.
سونداي-اق سەنات سپيكەرى ولارعا ەلىمىزدە ءومىر سۇرۋگە رۇقسات بەرۋ مۇلدەم باسقا ماسەلە ەكەنىن اتاپ ءوتتى.
«ەگەر ءبىز قازاقستاندا ءومىر ءسۇرۋ تۋرالى ايتاتىن بولساق, وندا بۇل بولەك ماسەلە. كەز كەلگەن باسقا ەلدىڭ ازاماتىندا قازاقستاندا تۇرۋ ءۇشىن ءوز مەملەكەتىنىڭ رۇقساتى بولۋ كەرەك. بۇل تۋرالى ءبىزدىڭ زاڭداردا انىق جازىلعان», دەپ ءتۇسىندىردى م.اشىمباەۆ.
بۇدان سوڭ, تۇرعىلىقتى تۇرۋعا ىقتيارحات الۋ ءۇشىن ءوتىنىش بەرۋشىنىڭ شىعۋ پاراعى جانە زاڭدا كوزدەلگەن باسقا دا قۇجاتتارى بولۋى كەرەكتىگى ايتىلدى.
«ساياسي باسپانا – بۇل باسقا ماسەلە. ساياسي باسپانا بەرۋ, بوسقىن دەپ تانۋ جانە بوسقىن مارتەبەسىن بەرۋ باسقا دۇنيە. ولار حالىقارالىق كەلىسىمدەرمەن جانە بۇۇ بەكىتكەن ءتيىستى قۇجاتتارمەن رەتتەلەدى. بۇل مۇلدە باسقا اڭگىمە, قازىر بۇل تۋرالى ءسوز قوزعالعان جوق», دەپ قوستى سپيكەر.
ەسكە سالا كەتەيىك, كەشە رەسەي پرەزيدەنتى ۆلاديمير پۋتين رەسەيدە ءىشىنارا جۇمىلدىرۋ تۋرالى جارلىققا قول قويعان ەدى.
