دەلەگاتسيا قۇرامىندا قر عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ بولدى.
تاراپتار ەكى ەلدىڭ جوعارى وقۋ ورىندارى اراسىنداعى ارىپتەستىك ارقىلى ىنتىماقتاستىقتى قولداۋ, ساپارلارمەن, تاجىريبەمەن, جوعارى جانە جوعارى وقۋ ورنىنان كەيىنگى ءبىلىمنىڭ وقۋ جوسپارلارى مەن ءبىلىم بەرۋ جۇيەلەرىمەن الماسۋ, سونداي-اق ستۋدەنتتەر مەن وقىتۋشىلار الماسۋ باعدارلامالارىن ىنتالاندىرۋ تۋرالى ۋاعدالاستى.
سونىمەن قاتار مينيسترلىكتەردىڭ وكىلدەرى بىرلەسكەن عىلىمي زەرتتەۋلەر جۇرگىزۋگە جانە عىلىم سالاسىندا تاجىريبە الماسۋعا كەلىستى.
«بۇل حاتتاما قازاقستان رەسپۋبليكاسى مەن بىرىككەن اراب امىرلىكتەرى اراسىنداعى جوعارى جانە جوعارى وقۋ ورنىنان كەيىنگى ءبىلىم بەرۋ مەن عىلىم سالاسىنداعى ەكىجاقتى قارىم-قاتىناستاردى ودان ءارى دامىتۋدىڭ جانە تىعىز ىنتىماقتاستىقتىڭ ىرگەتاسى بولماق», دەدى ۆيتسە-مينيستر قۋانىش ەرعاليەۆ.
كەزدەسۋ سوڭىندا تاراپتار جوعارى ءبىلىم مەن عىلىمدى دامىتۋدىڭ وزەكتى ماسەلەلەرى تۋرالى پىكىر الماستى.
ايتا كەتسەك, قازىرگى ۋاقىتتا قازاقستاننىڭ 4 جوعارى وقۋ ورنى (ل.ن.گۋميلەۆ اتىنداعى ەۇۋ, ءال-فارابي اتىنداعى قازۇۋ, م.قوزىباەۆ اتىنداعى سقمۋ, حببك) مەن ءباا 6 جوعارى وقۋ ورنى ء(باا ۋنيۆەرسيتەتى, حالىقارالىق مادەني ديپلوماتيا ينستيتۋتى, فۋدجەيرا ۋنيۆەرسيتەتى, دۋبايداعى امەريكالىق كوللەدج, امەريكالىق ءبىلىم بەرۋ ورتالىعى, امەريكالىق راس ال حايما ۋنيۆەرسيتەتى) سەرىكتەستىك قاتىناس ورناتقان. ولار ستۋدەنتتەر مەن پروفەسسور-وقىتۋشىلىق قۇرامىنىڭ اكادەميالىق ۇتقىرلىعى, ەكى ديپلومدى ءبىلىم بەرۋ باعدارلامالارى, بىرلەسكەن ءبىلىم بەرۋ جانە عىلىمي جوبالار جۇرگىزۋ, پروفەسسورلار مەن وقىتۋشىلاردىڭ بىلىكتىلىگىن ارتتىرۋ شەڭبەرىندە ىنتىماقتاستىققا قول جەتكىزگەن.
