قازىر جاعداي ءبىرشاما تۇراقتالىپ, اۋليەكولدە باسپاناسىز قالعان تۇرعىندارعا ارنالعان ءۇي قۇرىلىسى قىزۋ ءجۇرىپ جاتىر. قۇرىلىس قازان ايىنىڭ سوڭىنا دەيىن اياقتالىپ, كۇن سۋىتپاي تۇرعىندارعا بەرىلەتىن ءتۇرى بار. وسىعان وراي, وبلىس باسشىلىعى ۇلت ۇستازىنىڭ مەرەيتويىن 1 قازان كۇنى اتاپ ءوتۋدى جوسپارلاپ وتىر. مەرەكەلىك شارالار احمەت بايتۇرسىن ۇلى جانە تورعاي اۋىلدارىندا وتەدى.
وبلىس اكىمدىگى جاريالاعان باعدارلاما بويىنشا شاراعا قاتىسۋشىلار الدىمەن احمەت بايتۇرسىن ۇلىنىڭ كىندىك قانى تامعان سارىتۇبەك قونىسىنداعى احاڭنىڭ اق كەسەنەسىنە تاعزىم جاسايدى. وسى جەردە مۋزەي-ءۇيدىڭ تۇساۋكەسەرى ءوتىپ, اس بەرىلەدى.
ودان كەيىن تورعايدا قازاق كۇرەسى, ات جارىسى باستالادى. ا. بايتۇرسىن ۇلى مەن م. دۋلات ۇلىنا ارنالعان ەسكەرتكىش اشىلىپ, قوس ارىستىڭ اتىنداعى ادەبي مۋزەيدىڭ رەەكسپوزيتسيا جۇمىستارىنان كەيىنگى تۇساۋكەسەرى وتەدى. سونداي-اق ن.احمەتبەكوۆ اتىنداعى مادەنيەت ۇيىندە عىلىمي-پراكتيكالىق كونفەرەنتسيا وتەدى دەپ جوسپارلانعان.
ۇلت ۇستازىنىڭ 150 جىلدىعىنا ارنالعان شارالار «توپجارعان» ستاديونىندا وتەتىن مەرەكەلىك كونتسەرتپەن اياقتالادى.
قوستاناي وبلىسى
