«بۇعان دەيىن قازاقستان يادرولىق قارۋ سىناقتارىنان كوپ زارداپ شەكتى. سوندىقتان يادرولىق دەرجاۆالار اراسىنداعى تەكەتىرەستىڭ كۇشەيۋ قاۋپىن جاقسى تۇسىنەمىز. وسىعان وراي يادرولىق قارۋسىزدانۋ قازاقستاننىڭ سىرتقى ساياساتىنىڭ ماڭىزدى قىرىنا اينالدى. ءبىز يادرولىق قارۋدان ازات الەم قۇرۋ جولىنداعى كۇرەسىمىزدى جالعاستىرا بەرەمىز», دەدى قاسىم-جومارت توقاەۆ بۇۇ باس اسسامبلەياسى 77-سەسسياسىنىڭ جالپى دەباتىندا.
ونىڭ ايتۋىنشا بۇل سالاداعى كەيبىر جەتىستىكتەرگە قاراماستان, جالپى احۋال جاقسى ەمەس.
«يادرولىق دەرجاۆالار اراسىندا كۇشەيىپ كەلە جاتقان باسەكە مەن تەكەتىرەس ءبىزدى الاڭداتادى. سونداي-اق ءبىز يادرولىق قارۋدى تاراتپاۋ تۋرالى شارتتىڭ جالپى كونفەرەنتسياسى اياسىندا ىلگەرىلەۋ جوق ەكەنىنە الاڭدايمىز. الدىمىزدا قارۋسىزدانۋ جانە يادرولىق قارۋدى تاراتپاۋ سالاسىنداعى جاڭا مەحانيزمدەردى ازىرلەۋ جونىندە اسا كۇردەلى مىندەت تۇر», دەدى پرەزيدەنت.
