قۇجاتتا شەكارا سىزىعىنان قوسىمشا كۇشتەردى شىعارۋ قاراستىرىلعان. تاراپتار شەكارالاس ايماقتارداعى تۇراقتىلىقتى قامتاماسىز ەتۋ ماسەلەلەرىن, سونداي-اق اتىستى توقتاتۋدى تالقىلادى.
قىرعىز رەسپۋبليكاسى ۇلتتىق قاۋىپسىزدىك كوميتەتىنىڭ باسشىسى كامچىبەك تاشيەۆتىڭ ايتۋىنشا, شەكاراداعى جاعداي تۇراقتالىپ كەلەدى, بۇل جۇمىس جالعاسادى.
ەسكە سالا كەتەيىك, قىرعىزستان مەن تاجىكستان شەكاراسىنداعى قاقتىعىس 16 قىركۇيەك كۇنى تاڭەرتەڭ باستالدى. تاراپتار ءبىر-بىرىنە وق جاۋدىردى.
كەيىن قىرعىزستاننىڭ شەكارا قىزمەتى ەكى ەلدىڭ ارنايى قىزمەتىنىڭ باسشىلارى اتىستى توقتاتۋ تۋرالى كەلىسىمگە كەلگەنىن حابارلادى. الايدا بىرنەشە ساعاتتان سوڭ تاراپتار ءبىر-ءبىرىن اتىستى توقتاتۋ كەلىسىمىن بۇزدى دەپ ايىپتادى.
«راۆود» كەدەن بەكەتىندە تاجىك-قىرعىز جۇمىس توپتارىنىڭ كەلىسسوزدەرى ءوتتى. قىرعىزستان مەن تاجىكستان پرەزيدەنتتەرى سادىر جاپاروۆ پەن ەمومالي راحمون سامارقاندتا كەلىسسوزدەر جۇرگىزدى. تاراپتار شەكارادان اسكەري كۇشتەردى شىعارۋ جانە وقيعانىڭ سەبەپتەرىن انىقتاۋ ءۇشىن كوميسسيا قۇرۋ تۋرالى كەلىسىمگە كەلدى.
قىرعىزستان سىرتقى ىستەر مينيسترلىگىنىڭ مالىمەتىنشە, 18 قىركۇيەكتەگى جاعداي بويىنشا قىرعىز رەسپۋبليكاسىنىڭ 46 ازاماتى قازا تاۋىپ, 140-ى جارالانعان. تاجىكستان تاراپىنان 41 ازامات قازا تاپتى.
قازاقستان پرەزيدەنتى ق.توقاەۆ ەكى رەسپۋبليكا باسشىلارىنا كوڭىل ايتۋ جەدەلحاتىن جولدادى.
