Stopfake.kz سايتى حابارلاعانداي, قر سىرتقى ىستەر مينيسترلىگى بۇل اقپاراتتى جوققا شىعاردى
«قازاقستاننىڭ ۇقشۇ-دان شىعۋى تۋرالى جەكەلەگەن الەۋمەتتىك جەلىلەردە پايدا بولعان اقپارات شىندىققا سايكەس كەلمەيدى. قازاقستان - ۇقشۇ قۇرۋدىڭ باستاۋىندا تۇرعان ۇيىمنىڭ بەلسەندى قاتىسۋشىسى. ۇقشۇ-عا مۇشەلىك ءبىزدىڭ ەلىمىزدىڭ ۇلتتىق مۇددەلەرىنە تولىق جاۋاپ بەرەدى. ۇجىمدىق قاۋىپسىزدىك تۋرالى شارتتا وعان قاتىسۋشى مەملەكەتتەر ءۇشىن, ونىڭ ىشىندە قازاقستان ءۇشىن دە قاۋىپسىزدىكتى قامتاماسىز ەتۋگە زاڭدى تۇردە مىندەتتەيتىن كەپىلدىكتەر كوزدەلگەن. بۇدان باسقا, ۇقشۇ شەڭبەرىندە حالىقارالىق تەرروريزمگە, زاڭسىز كوشى-قونعا, ەسىرتكىنىڭ زاڭسىز اينالىمىنا, ترانسشەكارالىق قىلمىستىلىققا, اقپاراتتىق سالاداعى قاتەرلەرگە قارسى ءىس-قيمىل جاساۋ داعدىلارى پىسىقتالۋدا. وسىلايشا, ۇقشۇ اياسىنداعى ىنتىماقتاستىق قازاقستاننىڭ سىرتقى ساياساتىنىڭ ماڭىزدى باعىتى بولىپ تابىلادى, ءبىزدىڭ ەلىمىزدىڭ ۇقشۇ-عا قاتىسۋى قازاقستاننىڭ ۇزاق مەرزىمدى ستراتەگيالىق قۇجاتتارىندا كوزدەلگەن. جالپى, قازاقستان ۇجىمدىق قاۋىپسىزدىك تۋرالى شارت ۇيىمىنان شىعۋ مۇمكىندىگىن قاراستىرمايدى دەپ ناقتى مالىمدەۋگە بولادى», دەپ حابارلادى ۆەدومستۆونىڭ ءباسپاسوز قىزمەتى.
