«حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» دەپ اتالاتىن جولداۋىندا پرەزيدەنت قاسىم-جومارت توقاەۆ: «مەنىڭشە, مەملەكەت باسشىسىنىڭ باعدارىنا كۇمان كەلتىرەتىندەر, جۇمىس ىستەۋ قولىنان كەلمەيتىندەر, ەبىن تاۋىپ ورنىندا وتىرا بەرۋدى قالايتىندار, پرەزيدەنت تاپسىرمالارىن ورىنداۋدان جالتاراتىندار قىزمەتتەن كەتۋگە ءتيىس», دەگەن بولاتىن. مىنە, بۇل مىندەتتەردى مەن قاشاندا قادىر-قاسيەتتەرى جوعارى, ءاردايىم ءوز دارەجەسىن بيىك ۇستاپ تۇرا الاتىن تۇعىرلى تاپسىرما دەپ ۇعىنامىن. دەمەك بۇل مىندەتتەردىڭ ماڭىزدىلىعى بارعان سايىن ارتا تۇسپەسە, تومەندەمەسە كەرەك.
سول سياقتى ودان كەيىنگى: «ادىلەتتى قازاقستان: جاڭارۋ مەن جاڭعىرۋ جولى» اتتى جولداۋىندا اتاپ كورسەتىلگەن: «بۇقارالىق اقپارات قۇرالدارى بيلىك پەن حالىقتىڭ اراسىنداعى ءتيىمدى بايلانىس ارناسى بولا وتىرىپ, ەلدەگى قوردالانعان ماسەلەلەردى كوتەرە الادى جانە كوتەرۋگە مىندەتتى. بىراق مۇنى جوعارى ازاماتتىق جاۋاپكەرشىلىكپەن جاساۋ كەرەك» دەگەن سوزدەر, ول قاي كەزەڭدە ايتىلسا دا, ءوز ومىرشەڭدىگىن جوعالتپايدى. مۇنداعى «جوعارى ازاماتتىق جاۋاپكەرشىلىك» دەگەن سوزگە ءبىز جەتە ءمان بەرە قاراۋىمىز كەرەك. ارينە, بۇل – بىلە-بىلسەك ۇلكەن ساباق, قالامىمىز بەن باعىت-باعدارىمىزعا سىلتەنىپ وتىرعان سارا جول. بىراق بۇل ءتيىمدى بايلانىس ارناسىن تەك بۇقارالىق اقپارات قۇرالدارى عانا ەمەس, سونىمەن بىرگە, بيلىكتە وتىرعاندار دا جەتە ءتۇسىنىپ, جازىلعان سىننان ءتيىستى قورىتىندى شىعارىپ وتىرسا ءوز ناتيجەسىن بەرمەك. ەڭ باستىسى, جولداۋدا ايتىلعان باسىمدىقتاردى تالقىلاۋ ەمەس, ونى ورىنداپ, جۇزەگە اسىرا ءبىلۋ ماڭىزدى.
بۇعان دەيىنگى جانە جاڭا جولداۋدا ايتىلعان وزەكتى ماسەلەلەردى ءوزارا ۇشتاستىرا وتىرىپ, جوعارى جاۋاپكەرشىلىك تۇرعىسىنان ورىنداۋعا كۇش-جىگەر جۇمساي ءبىلۋ بۇگىنگى كۇننىڭ باستى مىندەتى بولۋى شارت دەپ ەسەپتەيمىن. ياعني ءبىز جولداۋعا قالاي ۇلەس قوسىپ جاتقانىمىزدى قاعازباستىلىقپەن, نەمەسە تەك ءتىلىمىزدىڭ ۇشىندا عانا ءۇيىرىپ ۇستاۋمەن ەمەس, ىسكەرلىگىمىزبەن ايعاقتاي تۇسۋگە ءتيىسپىز.
سەرىكباي تۇرجان,
قازاقستاننىڭ قۇرمەتتى ءجۋرناليسى
تۇركىستان وبلىسى,
بايدىبەك اۋدانى
