ەلىمىزدە 1,8 ميلليون ادام وتكەن جىلعى م ۇلىك سالىعىن ءالى تولەمەگەن

سالىق زاڭناماسىنا سايكەس الداعى سالىق سومالارى بويىنشا حابارلامالار بيىلعى شىلدە ايىندا مەنشىك يەلەرىنە جىبەرىلگەن بولاتىن. 

سونىمەن بىرگە بۇگىنگى كۇنى شامامەن 1,8 ملن مەنشىك يەسى (نەمەسە 37,5%) «2021 جىل» كەزەڭىنە 7,1 ملرد تەڭگە سوماسىنا م ۇلىك سالىعىن تولەمەگەن.

وسىعان بايلانىستى مەملەكەتتىك كىرىستەر كوميتەتى 2022 جىلدىڭ 2 قازانىنان باستاپ جەكە تۇلعالاردىڭ سالىق بەرەشەگى تۋرالى حابارلامالاردى بورىشكەرلەرگە جىبەرەتىنىن ەسكە سالادى.

1 ايلىق ەسەپتىك كورسەتكىشتەن استام بەرەشەك سومالارى بويىنشا حابارلاما تابىس ەتىلگەن سوڭ, وتىز جۇمىس كۇنىنەن كەيىن بەرەشەكتى ماجبۇرلەپ ءوندىرىپ الۋ تۋرالى سالىق بۇيرىعى جىبەرىلەدى. بۇل سالىق بۇيرىعى 5 جۇمىس كۇنى وتكەننەن كەيىن جەكە سوت ورىنداۋشىلارىنا ماجبۇرلەپ ءوندىرىپ الۋ ءۇشىن بەرىلەدى.

بۇل رەتتە, جەكە سوت ورىنداۋشىلارى بەرەشەك سوماسىنان باسقا شوتتارعا تىيىم سالۋ جانە شىعۋعا شەكتەۋ قويۋدان تۋىنداعان قولايسىزدىقتار تۋرالى ايتپاعاندا, سالىق بەرەشەگى سوماسىنىڭ 25%-نا دەيىنگى مولشەردە قوسىمشا تولەمدى ءوندىرىپ الادى.

وسىلايشا, ارتىق شىعىندار مەن پروبلەمالاردى بولدىرماۋ ءۇشىن م ۇلىك سالىعىن ۋاقىتىلى تولەۋگە كەڭەس بەرەمىز.

سالىقتى «e-Salyq Azamat» جانە ەكىنشى دەڭگەيدەگى بانكتەردىڭ ءموبيلدى قوسىمشالارى, «ەلەكتروندىق ۇكىمەت» پورتالى ارقىلى, ەكىنشى دەڭگەيدەگى بانكتەردىڭ بولىمشەرىندەگى نەمەسە تولەم تەرمينالدارىنداعى قولما-قول اقشا قاراجاتىمەن, سونداي-اق بانكوماتتار مەن تولەم تەرمينالدارىنداعى بانك كارتالارى ارقىلى تولەۋگە بولادى.