شىمكەنت قالاسىنىڭ اكىمى مۇرات ايتەنوۆ, حالىق قالاۋلىلارى, جەرگىلىكتى تۇرعىندار مەن باق وكىلدەرى ازات ەلدىمەكەنىندەگى گاز قوسۋ شاراسىنا قاتىستى.
مۇندا جالپى 8,9 شاقىرىم گاز قۇبىرى تارتىلىپ, جۇمىس تولىق اياقتالدى. ناتيجەسىندە 519 ابونەنت كوگىلدىر وتىنمەن قامتىلادى. قازىرگى ۋاقىتتا «QazaqGaz» ۇلتتىق كومپانياسى ابونەنتتەۋ جۇمىستارىن جۇرگىزۋدە.
بيىل شىمكەنتتىڭ 15 نىسانىن گازبەن قامتۋ جۇمىستارى جۇرگىزىلۋدە. جىل سوڭىندا باتىس, ارعىماق, اقتاس, اقتاس-2, اقجار, كوكبۇلاق, نۇرتاس, تۇران-2, ساۋلە ەلدىمەكەندەرى جانە اقتاس ماگيسترالدى جۇيەلەردىڭ قۇرىلىسى اياقتالادى. ەندى 34 مىڭنان استام ادام تابيعي گاز جۇيەلەرىنە قوسىلادى دەپ كۇتىلۋدە.
قالا باسشىسى ەلدىمەكەندەردى تابيعي گازبەن قامتۋ جوسپارىمەن ءبولىسىپ, بۇل ماڭىزدى ءىستىڭ جۇزەگە اسىرىلۋىنداعى «QazaqGaz» ۇلتتىق كومپانياسى» اق باسشىلىعىنىڭ قولداۋىنا العىسىن ءبىلدىردى.
مەردىگەر مەكەمە جانە سالا باسشىلىعىنا كۇن سۋىتپاي ابونەنتتەۋ جۇمىسىن اياقتاۋدى تاپسىردى.
