بۇل ماسەلەنى پرەمەر-مينيستر ءاليحان سمايىلوۆ كوتەردى. ول 3 تامىزدا اقپاراتتىق جۇيە ىستەن شىعىپ, ەلەكتروندىق ۇكىمەت جۇمىسىن ءبىر تاۋلىكتەن استام ۋاقىتقا توقتاتقانىن ەسكە سالدى.
وسىعان بايلانىستى ول ءتسدياوم باسشىسىنان اقپاراتتىق جۇيەلەردىڭ ۇزدىكسىزدىگى بويىنشا قانداي شارالار قابىلدانىپ جاتقانىن سۇرادى.
ء«بىز بۇل ماسەلەنى تەكسەرىپ, تالدادىق. بۇل ماسەلە بىرقاتار اقپاراتتىق جۇيەلەردىڭ ىستەن شىعۋىنا بايلانىستى ورىن الدى. ساعات 14:00-دە بىرقاتار جۇيەلەردىڭ جۇمىسى قالپىنا كەلتىرىلدى», دەدى باعدات مۋسين ۇكىمەت باسشىسىنىڭ سۇراعىنا جاۋاپ بەرە وتىرىپ.
ءمينيستردىڭ ايتۋىنشا, ەلەكتروندىق ۇكىمەتتىڭ جۇمىسىن تۇراقتى قامتاماسىز ەتۋ ءۇشىن 2023 جىلى دەرەكتەردى وڭدەۋ ورتالىقتارىنىڭ تاۋەلسىز ينفراقۇرىلىمىن, نەگىزگى جانە رەزەرۆتىك دەرەكتەردى وڭدەۋ ورتالىعىن قۇرۋ جوسپارلانۋدا.
ەسكە سالساق, 3 تامىزدا «ۇات» اق سەرۆەرلىك ورتالىعىنداعى ىركىلىسكە بايلانىستى ەلىمىزدىڭ حقكو مەن مامانداندىرىلعان حقكو-لارىندا كەلۋشىلەردى قابىلداۋ ۋاقىتشا توقتاتىلعانى حابارلانعان ەدى.
