پارلامەنت سەناتىنىڭ توراعاسى, الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى ماۋلەن اشىمباەۆ ماڭىزدى وقيعاعا كىمدەر قاتىساتىنىن ايتتى.
«سونداي-اق سەزگە جوعارعى يمام ءال-ازھار, شەيح احمەد ات-تايەب, رەسەي, يزرايل, قىتاي, ءۇندىستان, اقش, موڭعوليا, ەۋروپا, ورتالىق ازيا, كاۆكاز جانە باسقا ەلدەر مەن وڭىرلەردەن كەلگەن باسقا دا بەدەلدى قاتىسۋشىلاردى ۇلكەن ىقىلاسپەن كۇتەمىز», دەدى ماۋلەن اشىمباەۆ ءوز سوزىندە.
جالپى فورۋمعا الەمنىڭ 50 ەلىنەن 100-گە جۋىق دەلەگاتسيا قاتىسادى دەپ كۇتىلۋدە.
ء«بىزدىڭ الاڭعا قاتىسۋشىلاردىڭ ساندىق جانە ەڭ باستىسى, ساپالىق قۇرامىنىڭ ءوسۋى ءبىزدىڭ سەزىمىزدىڭ ءرولى ارتىپ, حالىقارالىق مارتەبەسى نىعايا تۇسكەنىن ايعاقتايدى. وسىنىڭ ءبارى ءبىزدىڭ سەزىمىزدىڭ دىنارالىق جانە وركەنيەتارالىق ديالوگتىڭ امبەباپ جاھاندىق الاڭىنا اينالعانىن ايتۋعا نەگىز بەرەدى», دەدى سەز حاتشىلىعىنىڭ باسشىسى.
