نەگىزگى بايقاۋ باعدارلاماسىنا 10 كارتينا, تۇركيا, قازاقستان, ءۇندىستان, يران, بانگلادەش, رەسەي, ەگيپەت, شري-لانكا فيلمدەرى, سونداي-اق كوپرودۋكتسيادا تۇسىرىلگەن ەكى تاسپا ۇسىنىلدى. بيىل الەمنىڭ 44 ەلىنەن بارلىعى 625 ءوتىنىم تىركەلدى.
مادەنيەت جانە سپورت مينيسترلىگىنىڭ تاپسىرىسى بويىنشا شاكەن ايمانوۆ اتىنداعى «قازاقفيلم» كينوستۋدياسى تۇسىرگەن كينوتاسپا اتى اڭىزعا اينالعان قازاق اقىنى مۇقاعالي ماقاتاەۆتىڭ ءومىرىنىڭ سوڭعى جىلدارى تۋرالى باياندايدى.
ەستەرىڭىزگە سالا كەتەيىك, ءفيلمنىڭ الەمدىك پرەمەراسى «قاراڭعى تۇندەر» (PÖFF) 25-ءشى تاللين كينوفەستيۆالىنىڭ اياسىندا ءوتتى, وندا قازاقستاندىق فيلم ەكۋمەنيكالىق قازىلار القاسىنىڭ سىيلىعىن الدى.
بيىلعى ناۋرىزدا بيوگرافيالىق كارتينا كەرالاداعى ء(ۇندىستان) 26-شى حالىقارالىق كينوفەستيۆالدىڭ «الەمدىك كينو» سەكتسياسىندا ۇسىنىلدى.
تامىز ايىنىڭ باسىندا فيلم قىرعىزستانداعى قازاقستاندىق كينو كۇندەرى شىمىلدىعىن اشتى. اتالعان فيلم 15-20 قىركۇيەك ارالىعىندا گاتچيندەگى 28-ءشى حالىقارالىق «ادەبيەت جانە كينو» كينوفەستيۆالىنە قاتىسادى. (رەسەي).
