تەرگەۋ مالىمەتتەرىنە سايكەس, ا. ەسىمدى ازاماتشا ءوزىن ەكىنشى دەڭگەيلى بانكتەردىڭ ءبىرىنىڭ كەپىل مۇلكىمەن جۇمىس ىستەۋ بويىنشا قىزمەتكەرى رەتىندە تانىستىرىپ, الماتىدا جوق پاتەرلەردى ساتقان.
مەگاپوليستىڭ بىرنەشە تۇرعىنى پوليتسياعا جۇگىنگەننەن كەيىن اتالعان ءىس بويىنشا تەرگەۋ جۇرگىزىلىپ, الاياقتىڭ كىم ەكەنى انىقتالدى.
«كۇدىكتى پاتەرلەردى ارزان باعامەن ساتۋ سىلتاۋىمەن تولەم جاساۋدى تالاپ ەتتى. جابىرلەنۋشىلەردىڭ ايتۋىنشا, دەپوزيت سوماسى پاتەردىڭ سۋرەتتەرىنە بايلانىستى بولدى. الاياق 3 بولمەلى پاتەر ءۇشىن 70 مىڭ دوللار, 1 بولمەلى پاتەر ءۇشىن 17 مىڭ دوللار سۇراعان. اقشانى الىپ العاننان كەيىن «كاسىپكەر ايەل» بايلانىسقا شىعۋدى توقتاتقان. ال الدانعان ازاماتتار ۋادە ەتىلگەن تۇرعىن ءۇيدى ونداعان جىلدار بويى كۇتتى. ناتيجەسىندە قىلمىسكەر قولعا ۇستالدى. قر قك 190-بابى 3-بولىگى 1-تارماعى بويىنشا سوتقا دەيىنگى تەرگەۋ جۇرگىزىلۋدە. تەرگەۋ بارىسىندا ۇستالعان ازاماتتىڭ وسىنداي 4 ەپيزودقا قاتىسى بار-جوعى انىقتالدى. زالالدىڭ جالپى سوماسى انىقتالۋدا», دەدى الماتى قالاسى پد تەرگەۋ باسقارماسىنىڭ باستىعى مۇحامەدالى سەيسەن ۇلى.
ايىپتالۋشىعا قاتىستى تەرگەۋ كەزەڭىندە قاماۋعا الۋ تۇرىندەگى بۇلتارتپاۋ شاراسى تاڭدالدى. تەرگەۋ جالعاسۋدا.
