بۇل باستاۋ العان ساياسي وزگەرىستەردىڭ جالعاسى. سونداي-اق پرەزيدەنتتىڭ ءسوزى مەن ءىسى ءبىر جەردەن شىعاتىنىنىڭ ايقىن دالەلى. مۇنىڭ ءبارى ەلىمىزدەگى رەفورمالار باعىتىنىڭ دايەكتىلىگىن جانە ونىڭ ەلدەگى دەموكراتيانى نىعايتۋعا باعىتتالعانىن كورسەتەدى. ەڭ باستىسى, جولداۋدا قازاقستاندىقتاردى قازىرگى كۇندەرى تولعاندىرىپ وتىرعان ەڭ وزەكتى ساۋالدارعا ناقتى جاۋاپ بەرىلدى.
بارشاعا ايان, كەڭ-بايتاق ەلىمىزدىڭ وڭتۇستىك-شىعىس شەبىنە قونىس تەپكەن ءبىزدىڭ اۋدان – نەگىزىنەن اگرارلىق ايماق. سوندىقتان جولداۋدا اۋىل شارۋاشىلىعىنا بايلانىستى اتاپ كورسەتىلگەن ماسەلەلەر ايرىقشا نازار اۋدارتتى. ياعني بۇل باعىتتا ۇسىنىلعان بارلىق رەفورما – سالانىڭ جاڭا جاعدايدا دامۋىنا تىڭ سەرپىن بەرەتىن پروگرەسسيۆتى ءارى ۋاقتىلى شارالار دەپ سانايمىز. شىن مانىندە, يگەرىلمەگەن جەرلەردى قايتارۋ, سۋ رەسۋرستارىنىڭ جەتىسپەۋىن ازايتۋ, جولداردى جوندەۋ – ەڭ كوكەيكەستى ماسەلەلەر. ال اۋىلدارداعى مەديتسينانى دامىتۋ ناعىز شەشىمىن كۇتىپ تۇرعان سالا بولاتىن. مۇنى دا شەشۋ جولىن مەملەكەت باسشىسى مۇلتىكسىز كورسەتىپ بەردى.
سونىمەن قاتار الەۋمەتتىك-ەكونوميكالىق سالانى دامىتۋعا دا ايرىقشا نازار اۋدارىلدى. اسىرەسە الەۋمەتتىك سالاداعى ازاماتتاردىڭ مۇددەسى جان-جاقتى قورعالۋى ءۇشىن بىرقاتار باعالى باستاما كوتەرىلگەنى بارشامىزدى قۋانتتى. ايەلدەردىڭ زەينەت جاسىن وزگەرتۋ ماسەلەسىن وڭدى شەشىپ, 2028 جىلعا دەيىن 61 جاس دەڭگەيىندە قالدىرعانى ايەلدەردىڭ كوڭىلىنەن شىقتى. انا مەن بالا ماسەلەسىنە جەتە كوڭىل ءبولىنىپ, بالا كۇتىمى ءۇشىن تولەماقى ءسابي ءبىر جارىم جاسقا تولعانعا دەيىن تولەنەتىنى دە اسا ماڭىزدى شارا. ال ۇلتتىق قوردىڭ جىل سايىنعى ينۆەستيتسيالىق تابىسىنىڭ 50 پايىزى بالالار كامەلەت جاسقا تولعانعا دەيىن ولاردىڭ ارنايى شوتىنا ءتۇسىپ تۇراتىنى تىپتەن ءتانتى ەتتى. «قازاقستان حالقىنا» قورى ارقىلى الەۋمەتتىك ءالسىز جاندارعا كومەك كورسەتىلەتىنى دە الەۋمەتتىك ادىلدىك پەن تەڭدىكتى ورناتۋدىڭ ءبىر قۇرالى ەكەنى داۋسىز. ۇكىمەتكە جاستارعا ارنالعان جاڭا 100 مىڭ جۇمىس ورنىن اشۋدى, ولارعا ءوز كاسىبىن اشۋ ءۇشىن 2,5 پايىزدىق جەڭىلدەتىلگەن نەسيە بەرۋدى تاپسىرعانى – جاستارىمىزدىڭ مىقتى مامان, ىسكەر كاسىپكەر بولۋىنا جول اشادى دەپ ويلايمىز.
ينفوگرافيكانى جاساعان امانگەلدى قياس, «ەQ»
جالپى, كوپتەن كۇتكەن بۇل جولداۋدا مەملەكەتىمىزدىڭ دامۋىنا, حالقىمىزدىڭ ءال-اۋقاتىن جاقسارتۋعا قاتىستى ەڭ ماڭىزدى ماسەلەلەر تۇگەل قامتىلىپ, ونى ورىنداۋعا بايلانىستى نۇسقاۋلار ناقتى اتاپ كورسەتىلدى.
مارات ساعىمبەك,
پانفيلوۆ اۋدانىنىڭ اكىمى
جەتىسۋ وبلىسى
